Yeremiya 50:1-46
50 Ediadi i diambu Yave kavova muna Yeremiya wa ngunza mu kuma kia Babele,+ mu kuma kia nsi ya Akaladi:
2 “Nusamuna dio muna zula, nusamuna dio.
Nutongeka sinsu* yo samuna kio.
Ke nusweki diambu ko!
Nuvova vo: ‘Babele obakamene.’+
Bele ofusulwisu e nsoni.+
Merodake ozakamene.
E teke yandi ifusulwisu e nsoniE teke yandi yangemi* izakamene.
3 Kadi kuna node kutukidi zula muna kunuanisa.+
Kikitwidi e nsi se lekwa kia mwena wonga;
Ke muzingilanga diaka muntu ko.
O wantu ye bulu itinini;
Bele kwau.”
4 “Muna lumbu yayina ye kolo kiakina,” u kavovele o Yave, “o nkangu a Isaele ye nkangu a Yuda bekwiza e ntwadi.+ Bekwiza didi,+ bevava e ntwadi o Yave wa Nzambi au.+
5 Beyuvula e nzil’a Zione yo vutula e ndose muna fulu yayina,+ oku vo: ‘Nuiza, twayikama Yave muna kangu diakwele mvu, dina ke divilakanua ko.’+
6 O nkangu ame ukitukidi se kambi dia mameme mavila.+ Avungudi au babavidisi.+ Babanete muna miongo; babayunganese muna miongo ye muna kundubulu. Bavilakene e fulu kiau kia vundila.
7 Awonso ana babasololanga, babafwasanga.+ E mbeni zau bavovele vo: ‘Ke tuna ye ngielele ko, kadi yau kibeni basumukini Yave ye fulu kiansongi yo Yave wa vuvu kia mase mau.’”
8 “Nutina muna Babele,Nuvaika muna nsi ya Akaladi,+Nukala nze bulu ivitanga kuna ntwal’a kambi.
9 Kadi ibundumuna yo twasa muna BabeleE buka kia zula yanene kikunuanisa tuka kuna nsi ya node.+
Bekunkiatamena kimana banuanisa;Tuka kwakuna, obakama.
E nzanza zau zina nze za kesaOsisanga mase kondwa wana;+Kana imosi ke ivutukanga nkatu ko.
10 E Kaladi ikala se sanzu.+
Awonso bekunsanza, beyukuta,”+ u kavovele o Yave.
11 “Kadi kiese nuamonanga+ yo kwamanana yangalalaVava e vua diame diasanzwanga.+
Nuatakukanga nze mwan’a ngombe vana vena titi ya nkunzu,Nwakazanga nze mvalu.
12 O ngudi aku ofusulwiswa e nsoni.+
Ndiona wawuta okendalele.
Tala, yandi i zula kiakondwa kikilu o mfunu vana vena zula yankaka,Nsi yayuma muna makanga.+
13 Muna kuma kia makasi ma Yave ke mukala diaka muntu ko;+Ikituka se mfuta.+
Awonso beviokela mo, bemona wongaBesika mumpiozi mu kuma kia vuku yandi yawonso.+
14 Nuiza kiatamena Babele muna nuanisa yo muna ndambu zawonso,Yeno awonso nufumbikanga* e mfumba.+
Nunonga, ke nutatidila nzanza zeno ko,Kadi osumukini Yave.+
15 Nunkazila kazu kia vita muna ndambu zawonso.
Yandi ukitambikidi.
Malunzi mandi mabwidi, e yaka yandi yandá ibwisilu,+Kadi Yave unlandidi e kunda.+
Nunlanda e kunda.
Numvanga mpe una kavangidi.+
16 Kendona o nkuni muna BabeleYe ndiona osadilanga sakilwa muna nsungi a nkutika.+
Muna kuma kia nsosolo a nsoki, konso muntu ovutuka kwa nkangu andi,Konso muntu otina muna nsi andi.+
17 “Nkangu a Isaele una nze mameme mavila.+ E nkosi zibamwanganese.+ Entete, o ntinu a Asuri ubafwasidi;+ i bosi, Nebukandesa* wa Ntinu a Babele okosomwene e visi yau.+
18 Muna kuma kiaki, i wau wuwu kavovele o Yave a vu wa Nzambi a Isaele. ‘Tumba itumba ntinu a Babele ye nsi andi, nze una yatumbila ntinu a Asuri.+
19 Isinga vutulwisa Isaele muna madilu mandi,+ odila muna Kamele ye Basani,+ oyukutila muna miongo mia Eferaime+ ye Ngiladi.’”+
20 “Muna lumbu yayina ye ntangwa yayina,” u kavovele o Yave,“E ngielele ya Isaele ivavua,Kansi ke imoneka ko,Masumu ma Yuda ke mesoloka ko,Kadi iloloka awana besala o moyo.”+
21 “Nunuanisa nsi ya Merataime yo nkangu a Pekode.+
Yambula bakosomonwa yo fwaswa emvimba,” u kavovele o Yave.
“Nuvanga mawonso inukanikini.
22 Muwakane mazu ma vita muna nsi,Vonza kiampwena.
23 Ekwe mpila kizengelo yo kosomonua e malutelo kiafwasanga e nza yawonso!+
Ekwe mpila Babele ikitukidi se lekwa kia mwena wonga vana vena e zula!+
24 E Babele, ilekele ntambu, obakameneLembi wo zaya.
Osolokele yo bakama,+Kadi Yave otelamene.
25 Yave oziudi lundilu diandi dia nuaninua,Ovaikisi nkele mia makasi mandi.+
Kadi o Mfumu Yave a vu salu kesalaMuna nsi ya Akaladi.
26 Nunlwakila tuka kuna nsi zandá.+
Nuziula malundilu mandi.+
Nunkutika nze mafuku ma masa.
Numfwasa emvimba.+
Ke musadi muntu ko muna yandi.
27 Nufukisa ngombe zandi zawonso;+Yambula banatwa kuna vondelo.
Ntantu kwa yau, kadi e lumbu kiau kilwekeE ntangw’au yafundiswa!
28 Muwakane ndinga y’awana betinanga,Y’awana betayanga tuka muna nsi ya Babele,Mu samuna muna Zione o nlandw’a kunda a Yave wa Nzambi eto,E nlandw’a kunda kia tempelo andi.+
29 Nubokela akwa mfumba banuanisa Babele,Awonso befumbikanga* e mfumba.+
Nusikidisa e ndo muna kinzieta kiandi, ke nutayisa kana mosi ko.
Numvutulwila mun’owu wa mavangu mandi.+
Numvanga mpe una kavangidi.+
Kadi kuna lulendo lwawonso otelamene Yave,Wa Mvauki a Isaele.+
30 Muna kuma kiaki, matoko mandi bebwila muna ntanda,*+
Makesa mandi mawonsobefwaswa* muna lumbu kiakina,” u kavovele oYave.
31 “Tala, ngina yaku e kitantu,+ e nkwa lulendo,”+ u kavovele o Mfumu Yave a vu,“Kadi e lumbu kiaku kilweke, e ntangwa ina ikutumba.
32 Ongeye, nkwa lulendo otá sakuba yo bwa,Ke vekala muntu ko okutelamesa.+
Isia tiya muna mbanza zaku,Tubomona yawonso inzungidi.”
33 Kadi i wau wuwu kavovele o Yave a vu:
“O nkangu a Isaele ye nkangu a Yuda ubangikwanga,Awonso babakangidi, babanete muna kinkole.+
Ke bazolele kubavaikisa ko.+
34 Kansi, o Nkûdi au nkwa nkuma.+
Yave a vu i nkumbu andi.+
Otoma tala e diambu diau,+Muna vundisa e nsi+Yo twasa mvuanga kwa nkangu a Babele.”+
35 “Vena yo nsosolo ulwakila Akaladi,” u kavovele o Yave,“Ye nkangu a Babele, mfumu zandi y’akwa ngangu andi.+
36 O nsosolo ulwakila ngunza zandi zaluvunu, betungiana nze mazowa.
O nsosolo ulwakila makesa mandi, bezakama ye wonga.+
37 Vena ye nsosolo ulwakila mvalu miandi ye makalu mandi ma vita,Ulwakila nkangu miawonso miaswaswana vana kati kwandi,Bekituka nze akento.+
O nsosolo ulwakila mavua mandi, mesanzwa.+
38 O lufwasu lulwakila maza mandi, meyuma.+
Kadi i nsi ya teke yavalwa,+Muna kuma kia mona-meso yandi yansisi, bekalanga nze lau.
39 Muna kuma kiaki, e bulu ya mfuta ye mevua bezingila mo,E setekele zizingila mo.+
Ke muzingila diaka muntu ko.
Ke mukala diaka muntu ko muna mbandu zawonso.”+
40 “Nze una Nzambi kavanga vava katufakesa Sodoma ye Ngomora+ ye mbanza zakala lukufi,”+ u kavovele o Yave, “ke muzingila diaka muntu ko, ngatu mwan’a muntu kanangina mo.+
41 Tala, nkangu ukwizanga tuka kuna node;Zula kianene ye ntinu miampwena+ mibundumunuaTuka muna nsuka za nza.+
42 Bena ye mfumba ye madionga.+
Akwa nsoki, ke bena ye nkenda ko+Ndinga zau zikumba nze kalunga.+
Ekolo bekwizanga muna mvalu miau.
Bakiatamene muna kunuanisa, e mwan’ankento a Babele.+
43 O ntinu a Babele owidi e nsangu zau,+Moko mandi mayoyele.+
Ntim’andi uyangamene,Mu kuma kia nsongo nze nkento owutanga.
44 “Tala, vekwiza muntu onuanisa madilu ma luvuvamu nze nkosi itukidi muna mfuta muna mbel’a Yodani, kansi vana vau ikubatinisa vana kena. Ikuntumbikila ndiona wasolwa.+ Kadi nani ofwanane yame? Nani olenda kumfidisa mpaka? Nkia mvungudi olenda telama vana ntadisi ame?+
45 Dianu vo, e wantu nuwá nzengo kabakidi o Yave mu kuma kia Babele+ ye dina kakani vanga muna nsi ya Akaladi.
Wan’a mameme bekokwa kuna kwandá.
E fulu yau ya zingila osisa yo e nkatu mu kuma kiau.+
46 Mu kuma kia mazu mabwididi Babele, o ntoto uzakamene,E kazu kiwakana vana vena zula.”+
Mvovo vana yand'a lukaya
^ O mvovo wau muna Kiyibere nanga wau umosi kwandi ye “doti,” usadilwanga se mvovo wa luvezo.
^ Yovo “lunzi dia sinsu.”
^ Mvovo wa sina: “nudiatanga.”
^ Mvovo wa sina: “Nebukadrezare,” mpila yankaka yasonekena yo.
^ Mvovo wa sina: “bediatanga.”
^ Yanzala kiakutakenanga nkangu mu teka, sumba lekwa yo tela mambu.
^ Mvovo wa sina: “bebutikwa o nua.”
