Kuna kwa Esi Roma 13:1-14
13 Wantu awonso yambula basakalela akwa wisa,+ kadi kavena wisa ko kialembi vaninua o nswa kwa Nzambi;+ bena ye wisa muna tezo kina basiwa kwa Nzambi.+
2 Dianu vo, konso ona otelamena e wisa, nkubik’a Nzambi katelamene; awana betelamena yo, tumbu bekuyivavila.
3 Kadi ayadi bemwenuanga wonga, muna vangu diambi, ke muna vangu diambote ko.+ Nga ozolele vevoka muna wonga wa akwa wisa? Kwamanana vanga edi diambote,+ yau bekusanisina;
4 kadi akwa wisa selo ya Nzambi muna wete diaku. Kansi avo ovangidi edi diambi, mona wonga, kadi ke benatanga nsosolo nkatu ko. Selo ya Nzambi ye alandi a kunda* kuna makasi, kwa ndiona ovanganga dina diambi.
5 Dianu vo, diambote nuabasakalela, ke mu kuma kia makasi kaka ko, kansi mu kuma kia ntona zeno mpe.+
6 Kiaki i kuma nufutilanga e mpaku; kadi selo ya Nzambi muna wete dia nkangu, bekwamanananga o sala muna kani diadi.
7 Nuvana kw’awonso kina kibafwene: mpaku, kuna kwa ndiona ofwene mpaku;+ vaku, kuna kwa ndiona ofwene vaku; vumi, kuna kwa ndiona ofwene vumi;+ luzitu, kuna kwa ndiona ofwanukini o zitu.+
8 Ke nudie muntu mfuka ko, kansi nuzolana kaka;+ kadi konso ona ozolanga nkwandi olungisanga o nsiku.+
9 Kadi nsiku miami: “Kute zumba ko,+ kuvondi ko,+ kuyiyi ko,+ kulokokela ko,”+ ye konso nkanikinu wankaka, miawonso miakufikwa muna mvovo emi: “Ofwete zola o nkwaku wauna okuyizolelanga.”+
10 Ndiona una ye zola ke vanganga nkwandi mbi ko;+ kadi o zola i lungisa o nsiku.+
11 Nuvanga wo wau nuzeye e nsungi, eyayi i ntangw’a sikama kuna tulu,+ kadi o luvuluzu lweto lufinamene ke mu kolo kina twakituka minkwikizi ko.
12 O fuku se ufokoka; o kuma se kukiá. Dianu vo, tuyambula mavangu ma tombe,+ tuvuata nuaninua ya ntemo.+
13 Yambula twakangalela muna unsongi+ nze mu mwini, ke mu nkinzi mialuta tezo ko ye nkolwa, ngatu mu zumba ye mavangu mansoni,*+ ke mu unzonzi ye kimpala ko.+
14 Kansi, nuvuata Mfumu Yesu Kristu,+ ke nuteki yindulanga e mpila nulungisila e zolela ya nitu ko.+
Mvovo vana yand'a lukaya
^ Yovo “yau bevananga e tumbu.”
^ Muna Kingerekia a·sel′gei·a. Tala Nsas’a Mvovo.
