တၢ်ပိာ်ထွဲ
ယ့ၣ်ၡူးခရံာ်—တၢ်စံးပာ် မ့းၡံအၤ
ကကဲထီၣ်တၢ်မၤစၢၤလၢ ပနီၤဖးမ့းၡံအၤ ကသ့အဂီၢ်, ယဟိဝၤယွၤ ကွဲးဝဲဝံအတၢ်စံးပာ်တဖၣ် လၢအပာ်ဖျါ တၢ်ဂ့ၢ်တၢ်ပှီၢ် လီၤတံၢ်လီၤဆဲးတဖၣ် လၢဘၣ်ဃးဒီး တၢ်စံးပာ်အုၣ်ခီၣ်ကစၢ် အတၢ်အိၣ်ဖျဲၣ်, တၢ်သးခုကစီၣ်အတၢ်မၤ, ဒီးအတၢ်သံန့ၣ်လီၤ. လံာ်စီဆှံ ဝံအတၢ်စံးပာ်တဖၣ်အံၤန့ၣ် လၢပှဲၤထီၣ်လၢ ယ့ၣ်ၡူးလီၤ. တၢ်သ့ၣ်တဖၣ်အံၤန့ၣ် လၢပှဲၤထီၣ်
ဝဲဒီး လီၤတံၢ်တုၤဒၣ်လဲာ်လၢ လီၤကမၢကမၣ်လီၤ. အဒိ, ပကဆိကမိၣ်ကွၢ်သကိး ဝံအတၢ်စံးပာ်လၢ တၢ်တဲဆိပာ် တနီၤလၢ မ့းၡံအၤ အတၢ်အိၣ်ဖျဲၣ်ထီၣ်, ဒီးအဖိသၣ်ခါအဂ့ၢ်န့ၣ်တက့ၢ်.ဝံယၡါယၤ တဲဆိပာ်ဝဲလၢ မ့းၡံအၤကဟဲလၢ စီၤပၤဒၤဝံး အစၢၤအသွဲၣ်န့ၣ်လီၤ. (ယၡါယၤ ၉:၇) ယ့ၣ်ၡူး အိၣ်ဖျဲၣ်ထီၣ် နီၢ်ကီၢ်လၢ ဒၤဝံးအစၢၤအသွဲၣ်လီၤ.—မးသဲ ၁:၁, ၆-၁၇.
မံကၤ ၅:၂) ယ့ၣ်ၡူးအိၣ်ဖျဲၣ် အဆၢကတီၢ်န့ၣ် ကီၢ်အံၣ်စရ့အပူၤ ဝ့ၢ်ဘ့ၤသလ့ဃ့ၣ် အိၣ်ခံဝ့ၢ်လီၤ. တဝ့ၢ်န့ၣ် အိၣ်ဘူးဒီး ဝ့ၢ်နစၤရ့း ဖဲကီၢ်အကလံၤစိးတခီဒီး လၢခံတဝ့ၢ်န့ၣ် အိၣ်ဘူးဒီး ယရူၤၡလ့ၣ်လၢ ကီၢ်ယူဒၤလီၤ. ဝ့ၢ်ဘ့ၤသလ့ဃ့ၣ်လၢ အဘူးဒီးယရူၤၡလ့ၣ်အံၤ လၢညါပှၤကိးလၢ ဝ့ၢ်အ့ဖရးသးလီၤ. ဒ်ဝံအတၢ်စံးပာ်အသိး ယ့ၣ်ၡူးအိၣ်ဖျဲၣ်ထီၣ်လၢ ဝ့ၢ်အံၤအပူၤ လီၤတံၢ်လီၤဆဲးလီၤ.—မးသဲ ၂:၁.
ယွၤအဝံလၢခံတဂၤ လၢအမ့ၢ်မံကၤန့ၣ် တဲဆိပာ်ဝဲလၢ ဖိသၣ်လၢကကဲထီၣ်စီၤပၤန့ၣ် ကဟဲအိၣ်ဖျဲၣ်ထီၣ်လၢ “ဘ့ၤသလ့ဃ့ၣ် အ့ဖရးသး” န့ၣ်လီၤ. (လံာ်စီဆှံ ဝံအတၢ်စံးပာ်အဂၤတမံၤန့ၣ် တဲဆိပာ်ဝဲလၢ ယွၤအဖိခွါန့ၣ် ဘၣ်တၢ် “ကိးထီၣ်ကွံာ်အီၤလၢအဲၤကူပတူး” အပူၤလီၤ. ပှၤလဲၤကိး ဖိသၣ်ယ့ၣ်ၡူးဆူ ကီၢ်အံကၠံး(ပ်)လီၤ. ဝံအတၢ်စံးပာ် လၢပှဲၤထီၣ်ဝဲခီဖျိ ဘၣ်တၢ်ကိးက့ၤအီၤဖဲ စီၤပၤဟ့ၤရိာ် သံဝံၤအလီၢ်ခံန့ၣ်လီၤ.—ဟိၤၡ့ ၁၁:၁, ခစ; မးသဲ၂:၁၅.
ကွၢ်တကွီၣ်ဒိလၢ လံာ်ကဘျံးပၤ ၂၀၀ အပူၤ လံာ်စီဆှံအဆၢတဖၣ်လၢ တၢ်ခိၣ်တီလၢ “ဝံအတၢ်စံးပာ်” အဖီလာ်န့ၣ် အိၣ်ဒီးတၢ်ဂ့ၢ် လီၤတံၢ်လီၤဆဲးလၢ ဘၣ်ဃးဒီး မ့းၡံအၤလီၤ. ဝံသးစူၤထိၣ်သတြီၤကွၢ် လံာ်စီဆှံအဆၢတဖၣ်အံၤဒီး လံာ်စီဆှံအဆၢလၢ “လၢပှဲၤထီၣ်” အခိၣ်တီအဖီလာ်တဖၣ်န့ၣ်တက့ၢ်. ခီဖျိနမၤဒ်န့ၣ်ဒီး နတၢ်စူၢ်တၢ်နာ် ကဂၢၢ်ကျၢၤအါထီၣ်လၢ ယွၤအကလုၢ်ကထါ မ့ၢ်တၢ်နီၢ်နီၢ်န့ၣ်လီၤ.
ဖဲနသမံသမိးကွၢ် လံာ်စီဆှံအဆၢတဖၣ်အံၤအခါ ပာ်သူၣ်ပာ်သးလၢ ဝံအတၢ်စံးပာ် တခါစုာ်စုာ်န့ၣ် ဘၣ်တၢ်ကွဲးဆိပာ်အီၤ တချုးယ့ၣ်ၡူးအိၣ်ဖျဲၣ် ပူၤကွံာ်နံၣ်လၢ အကယၤန့ၣ်တက့ၢ်. ယ့ၣ်ၡူးစံးဝဲဒ်အံၤလီၤ– “ကယဲၢ်တၢ်ကွဲးအသးလၢ မိၤၡ့အတၢ်သိၣ်တၢ်သီအပူၤ, ဒီးဝံသ့ၣ်တဖၣ်အပူၤ, ဒီးလံာ်စံးထီၣ်ပတြၢၤတၢ်အပူၤ, လၢယဂ့ၢ်ယကျိၤန့ၣ်, ဘၣ်လၢပှဲၤထီၣ်ခဲလၢာ်လီၤ”. (လူၤကၣ် ၂၄:၄၄) နမ့ၢ်သမံသမိးကွၢ်လၢ နလံာ်စီဆှံဒၣ်နဲ အပူၤ, ဒီးနကထံၣ်ဘၣ်လၢ ဝံအတၢ်စံးပာ်တဖၣ်န့ၣ် လၢပှဲၤထီၣ်ဝဲ လီၤတံၢ်လီၤဆဲးလီၤ.