၂ ကရံၣ်သူး ၃:၁-၁၈
၃ မ့ၢ်ပကဘၣ် ပာ်ဖျါထီၣ်ကဒီး ပသးလၢသုအိၣ် လၢအသီတဘျီဒံးဧါ. ဒ်ပှၤတနီၤနီၤအသိး မ့ၢ်ပလိၣ်ဘၣ်လၢ သုကဒိးန့ၢ်ဘၣ် လံာ်အုၣ်အသးလၢ အပာ်ဖျါထီၣ် ပဂ့ၢ်စ့ၢ်ကီးဧါ. မ့တမ့ၢ် ပလိၣ်ဘၣ်လၢ သုကကွဲးန့ၢ်ပှၤ လံာ်အုၣ်အသး ဒ်အံၤတဖၣ်ဧါ.
၂ သုဝဲသ့ၣ်အံၤ သုမ့ၢ်ပလံာ်အုၣ်သးလၢ+ အအိၣ်ကွဲးလီၤအသးလၢ ပသးအလိၤလီၤ. ဒီးပှၤခဲလၢာ် သ့ၣ်ညါဝဲ ဒီးဖးဘၣ်ဝဲလီၤ.
၃ သုအိၣ်ဖျါဒ်သုမ့ၢ်လံာ်လၢ အဟဲလၢခရံာ်အအိၣ် လၢပဝဲ ကစၢ်ယွၤအခ့အပှၤတဖၣ် ကွဲးဝဲန့ၣ်လီၤ.+ ဒီးလံာ်အံၤ တဘၣ်တၢ်ကွဲးအီၤလၢ ကသံၣ်ထံဘၣ်. ဘၣ်တၢ်ကွဲးအီၤလၢ ကစၢ်ယွၤလၢအမူဝဲတဂၤန့ၣ် အသးစီဆှံလီၤ. ဒီးတဘၣ် တၢ်ကွဲးလီၤအီၤလၢ လၢၢ်ဘ့ၣ်ဘၣ်အလိၤဘၣ်.+ ဘၣ်တၢ်ကွဲးလီၤအီၤလၢ ပှၤဟီၣ်ခိၣ်ဖိ အသးအလိၤလီၤ.+
၄ ခီဖျိလၢ ခရံာ်အဃိ ပအိၣ်ဒီး တၢ်နာ်ဒ်အံၤတကလုာ် လၢကစၢ်ယွၤ အမဲာ်ညါလီၤ.
၅ ပနီၢ်ကစၢ်ဒၣ်ဝဲ ပတတုၤထီၣ်ထီၣ်ဘးလၢ ပကမၤတၢ်နီတမံၤဘၣ်. ဘၣ်ဆၣ် ပတုၤထီၣ်ထီၣ်ဘး မ့ၢ်လၢ ကစၢ်ယွၤအဃိလီၤ.+
၆ ကစၢ်ယွၤ ဒုးတုၤထီၣ်ထီၣ်ဘးပှၤလၢ ပကကဲထီၣ် တၢ်အၢၣ်လီၤအီလီၤအသီ အခ့အပှၤတဖၣ်လီၤ.+ ဒီးတမ့ၢ် စီၤမိၤၡ့ အတၢ်သိၣ်တၢ်သီ အခ့အပှၤတဖၣ်ဘၣ်.+ မ့ၢ်ဝဲသးစီဆှံ အခ့အပှၤတဖၣ်လီၤ. စီၤမိၤၡ့ အတၢ်သိၣ်တၢ်သီန့ၣ် စံၣ်ညီၣ်ပှၤကညီဆူတၢ်သံ+ မ့မ့ၢ် ယွၤအသးစီဆှံန့ၣ် ဟ့ၣ်တၢ်မူလီၤ.+
၇ ဒီးစီၤမိၤၡ့ အတၢ်သိၣ်တၢ်သီလၢ အဟ့ၣ်လီၤတၢ်သံ ဒီးလၢအအိၣ်ကွဲးလီၤအသးလၢ လၢၢ်အလိၤန့ၣ်+ အိၣ်ဒီးအလၤအကပီၤ တုၤဒၣ်လဲာ် ပှၤအံၣ်စရ့လးဖိတဖၣ် ကွၢ်စီၤမိၤၡ့ အမဲာ်တကဲဘၣ် မ့ၢ်လၢ အမဲာ်သၣ် ကပြုၢ်ကပြီၤ ပှဲၤဒီးအလၤကပီၤအဃိလီၤ.+ တၢ်လၤကပီၤအံၤ မ့ၢ်တၢ်လၢ အကဘၣ် တၢ်မၤဟါမၢ်ကွံာ်အီၤလီၤ.
၈ အဃိ တၢ်ဟ့ၣ်နီၤလီၤ သးစီဆှံန့ၣ်+ ကြၢးအိၣ်ဒီး အလၤကပီၤ ဒိၣ်န့ၢ်အန့ၣ် တမ့ၢ်ဘၣ်ဧါ.+
၉ စီၤမိၤၡ့ အတၢ်သိၣ်တၢ်သီ လၢအဟ့ၣ်လီၤ တၢ်စံၣ်ညီၣ်+ မ့ၢ်အိၣ်ဒီးအလၤကပီၤန့ၣ်+ တၢ်မၤလၢ အဟ့ၣ်လီၤတၢ်တီတၢ်လိၤ ကအိၣ်ဒီးအလၤကပီၤ ဒိၣ်န့ၢ်အန့ၣ် တမ့ၢ်ဘၣ်ဧါ.+
၁၀ ခီဖျိလၢ တၢ်အၢၣ်လီၤအီလီၤအသီ လၢအအိၣ်ဒီး အလၤကပီၤဒိၣ် အဃိ စီၤမိၤၡ့အတၢ်သိၣ်တၢ်သီ လၢညါလၢ အအိၣ်ဒီး အလၤကပီၤန့ၣ် အလၤကပီၤ လီၤမၢ်ကွံာ်ဝဲလီၤ.+
၁၁ စီၤမိၤၡ့အတၢ်သိၣ်တၢ်သီလၢအဘၣ် တၢ်မၤကတၢၢ်ကွံာ်အီၤဒၣ်လဲာ် မ့ၢ်ဘၣ်တၢ်ဟ့ၣ်လီၤအီၤပှဲၤဒီး အလၤကပီၤန့ၣ်+ တၢ်အၢၣ်လီၤအီလီၤအသီ ကအိၣ်ဒီး အလၤကပီၤ ဒိၣ်န့ၢ်အန့ၣ် တမ့ၢ်ဘၣ်ဧါ.+
၁၂ မ့ၢ်လၢ ပအိၣ်ဒီး တၢ်မုၢ်လၢ်ဒ်န့ၣ်အဃိ+ ပတဲတၢ်ဒူဒူလၢ တၢ်သဘျ့အပူၤလီၤ.
၁၃ ဒီးပတမၤဒ်သိးဒီး စီၤမိၤၡ့မၤဝဲဘၣ်. ဒ်သိး ပှၤအံၣ်စရ့လးဖိတဖၣ် သုတထံၣ်ဘၣ် စီၤမိၤၡ့အတၢ်သိၣ်တၢ်သီ လၢအကဘၣ် တၢ်မၤကတၢၢ်ကွံာ်အီၤန့ၣ် အတၢ်တိာ်ပာ်* တဂ့ၤအဂီၢ် စီၤမိၤၡ့မၤဘၢအမဲာ် လၢနီၣ်ကျၢၢ်ဘၢတၢ်လီၤ.+
၁၄ ဘၣ်ဆၣ် အဝဲသ့ၣ် အသးခံးဝဲလီၤ.+ ဒီးတုၤလၢခဲအံၤ ဖဲပှၤဖး တၢ်အၢၣ်လီၤအီလီၤ အလီၢ်လံၤအခါ နီၣ်ကျၢၢ်ဘၢတၢ် တမံၤဃီအံၤ တဘၣ်တၢ်ထုးထီၣ်အီၤဒံးဘၣ်,+ မ့ၢ်လၢ တၢ်ထုးကွံာ်အီၤ သ့ခီဖျိထဲလၢ ခရံာ်အဃိလီၤ.+
၁၅ နီၢ်ကီၢ်န့ၣ် တုၤလီၤလၢ မုၢ်မဆါတနံၤအံၤ ဖဲပှၤဖးစီၤမိၤၡ့ အတၢ်ကွဲးအသးတဖၣ်အခါ+ နီၣ်ကျၢၢ်ဘၢတၢ်အိၣ်လၢ အဝဲသ့ၣ် အသးအလိၤလီၤ.+
၁၆ ဘၣ်ဆၣ် ဖဲပှၤတဂၤဂၤ ဃၣ်ဃီၤအသးလၢ ယဟိဝၤယွၤ* အအိၣ်အခါ နီၣ်ကျၢၢ်ဘၢတၢ်န့ၣ် ဘၣ်တၢ်ထုးကွံာ်အီၤလီၤ.+
၁၇ ယဟိဝၤယွၤ မ့ၢ်ပှၤနီၢ်သးတဂၤ+ ဒီးဖဲယဟိဝၤယွၤ အသးစီဆှံ အိၣ်ဝဲအလီၢ်န့ၣ် တၢ်သဘျ့အိၣ်ဝဲလီၤ.+
၁၈ နီၣ်ကျၢၢ်ဘၢတၢ်န့ၣ် ဘၣ်တၢ်ထုးကွံာ်အီၤလၢ ပဝဲခဲလၢာ်အမဲာ်သၣ်အလိၤလံ. ဒီးပလီၤဂာ်ဒ် မဲာ်ထံကလၤလၢ အပာ်ဖျါထီၣ်က့ၤ ယဟိဝၤယွၤ အလၤကပီၤအသိးလီၤ. ဒီးပဘၣ်တၢ်လဲလိာ်ပှၤ ဒ်သိးပကလီၤဂာ်ဒီးအီၤ ဒီးပာ်ဖျါထီၣ် အလၤကပီၤ အါထီၣ်အါထီၣ် တပတီၢ်ဘၣ်တပတီၢ် ဒ်ယဟိဝၤယွၤ လၢအမ့ၢ် ပှၤနီၢ်သးတဂၤ လဲလိာ်ပှၤအသိးလီၤ.+
