iKarua ni iVola Vei Ira mai Korinica 2:1-17
2 Qo na ka au sa vakatulewataka, niu sa lako yani moni kua tale ni qai rarawa.
2 Keu vakararawataki kemuni, o cei tale me qai vakamarautaki au? O ira ga au vakararawataka.
3 Oya na vuna au volavola yani kina, baleta na gauna au yaco yani kina, meu kua ni rarawa ena vukudra e dodonu mera vu ni noqu marau. Au kila ni veika e vakamarautaki au e vakamarautaki kemuni kece tale ga.
4 Ena levu ni noqu rarawa kei na vusolo ni lomaqu au volavola yani ni tovakiwai na mataqu, moni kua ni rarawa kina,+ moni kila ga niu lomani kemuni dina.
5 Ke dua e vu ni rarawa,+ e sega ni vakararawataki au, e rawa ga ni vakararawataki kemuni kece—au sega ni via vosa sara vakaukaua.
6 Na nodra vunauci koya e levu e sa rauti koya vinaka.
7 O koya gona, e dodonu moni tu vakarau ni vosoti koya, ni vakacegui koya+ de luvuci ena levu ni rarawa.+
8 Au vakamasuti kemuni kina moni vakadeitaka vua ni oni lomani koya.+
9 Na inaki tale ga ni noqu volavola yani qo meu kila kina se oni sa talairawarawa tiko ena ka kece se sega.
10 Na cala kece oni vosoti koya kina e dua, au na vosota tale ga. O yau mada ga se cava ga au vosota, ke dua na ka au vosota, au vosota ena vukumuni, ena mata i Karisito,
11 me kua ni rawai keda kina o Setani+ nida sega ni lecava na nona ilawaki.+
12 Niu yaco i Tiroa+ meu tukuna kina na itukutuku vinaka me baleti Karisito, e dolavi vei au e dua na katuba ni veiqaravi vua na Turaga,
13 ia e sega ni cegu na lomaqu niu sega ni raici Taito+ na taciqu, au mani vakamoce ga vei ira na tisaipeli e kea au lako sara i Masitonia.+
14 Me vakavinavinakataki na Kalou, ni dau liutaki keda nida tayabe ena qaqa ena noda salavata kei Karisito, meda vakatetea kina ena veivanua kece na boivinaka ni kena itukutuku!
15 Vua na Kalou, eda ka boivinaka i Karisito vei ira era na vakabulai, vei ira tale ga era na vakarusai,
16 vei ira era na vakarusai, e iboi ni mate ena tini ina mate,+ vei ira era na vakabulai, e iboi ni bula ena tini ina bula. O cei e ganiti koya vinaka na veika qo?
17 O keitou, ni keitou sega ni volitaka* na vosa ni Kalou+ me vakataki ira e levu, ia keitou yalodina ga kina ni keitou italai ni Kalou, io, ena mata ni Kalou keitou vosa tale ga ni keitou tisaipeli i Karisito.
iVakamacala e ra
^ Se “me ka ni rawa ilavo.”
