iKarua ni iVola Vei Ira mai Korinica 10:1-18
10 O yau o Paula, au vakamasuti kemuni ena yalovinaka kei na yalololoma i Karisito,+ e malumalumu na kequ irairai niu tiko vata kei kemuni,+ ia au doudou vei kemuni niu sega ni tiko.+
2 Au vinakata meu kua ni doudou sara niu tiko vata kei kemuni, deu tauca eso na lewa kaukaua vei ira eso, o ira na dau vakalewai keitou nira nanuma ni vakayago na neitou itovo.
3 E dina ni keitou tamata ga, keitou sega ni vala tiko ena ivalu vakayago.
4 E sega ni vakayago+ na neitou iyaragi ena ivalu qo, era iyaragi kaukaua ga e solia na Kalou,+ me talaraki kina na veika sa vakawakana tu.
5 Keitou talaraka na nanuma cala kei na ka kece e vakacerecerei me sabaya na vuku ni Kalou,+ keitou vakamalumalumutaka na nanuma kece me talairawarawa vei Karisito,
6 keitou tu vakarau tale ga me keitou totogitaka na talaidredre kece,+ ena gauna ga oni vakadinadinataka kina na nomuni talairawarawa.
7 Oni dau raica ga na ka e sau. Ke dua e vakadeitaka ni nei Karisito, me nanuma tiko na tikina qo: Me vaka ni nei Karisito o koya, o keitou tale ga.
8 Au na sega ni vakamadualaki keu sakitaka vakalevu cake na kaukaua e solia vei keitou na Turaga, me keitou vakauqeti kemuni kina qai sega ni vakayalolailaitaki kemuni.+
9 Ia e sega ni noqu inaki meu vakarerei kemuni ena noqu ivola.
10 Nira kaya: “E lutubi qai warumisa na nona ivola, ia ni tiko vata kei keda e maloku sara qai vakasevaki na nona vosa.”
11 Me nanuma o koya e va ya nona rai, e sega sara ga ni duidui na vosa keitou vola yani ni keitou yali kei na ka keitou na cakava ni keitou tiko vata kei kemuni.+
12 Keitou sega ni via wili vata kei ira eso, se vakatauvatani keitou kei ira na dau vakadonui ira ga.+ Nira via muria ga nodra ivakatagedegede mera lewai ira vakataki ira qai vakatauvatani ira vakataki ira, era sega sara ga ni kila e dua na ka.+
13 Keitou na sega ga ni sakitaki keitou me sivia na iyalayala ni vanua e lesi vei keitou, ia keitou na sakitaki keitou ena ka keitou rawata ena loma ni yalava e lesia vei keitou na Kalou, qo e okati mada ga kina na nomuni vanua.+
14 Keitou sega ni sivia na neitou yalava ena neitou lako yani vei kemuni, ni keitou a liu sara ga yani vei kemuni me keitou tukuna na itukutuku vinaka kei Karisito.+
15 Sega, keitou sega ni sakitaka na ka era cakava eso tale ena taudaku ni neitou yalava, keitou nuitaka ga ni na dei vinaka na nomuni vakabauta, ena vuavuaivinaka tale ga neitou cakacaka ena neitou yalava. Sa na qai vuavuaivinaka sara,
16 na neitou tukuna na itukutuku vinaka ena veivanua ribayawa, me keitou kua ni sakitaki keitou ena duatani tale na yalava sa cakacakataki oti.
17 “Ia o koya e sakitaka e dua na ka, me sakitaki Jiova* ga.”+
18 Ni sega ni vakadonui o koya e vakadonui koya ga,+ e vakadonui ga o koya e vakadonuya+ o Jiova.*
