iKarua ni iVola Vei Ira mai Korinica 13:1-14
13 Qo na ikatolu ni gauna au vakarau sikovi kemuni yani kina. “Me vakadeitaki+ na ka kece ena itukutuku ni le rua se tolu na ivakadinadina.”
2 Niu sega ni tiko ena gauna qo, e vaka ga au tiko vata kei kemuni ena ikarua ni gauna, au vakasalataki ira rawa na ivalavala ca e liu kei kemuni na kena vo, keu mani lesu tale mai au na sega ni vosota e dua e cakacala,
3 Oni qara tiko na ivakadinadina ni vosa tiko vei au o Karisito, o koya e sega ni malumalumu vei kemuni, e kaukaua ga vei kemuni.
4 Io ni a vakamatei ena kau ena vuku ni malumalumu, ia e bula ena kaukaua ni Kalou.+ E dina tale ga ni keitou malumalumu me vakataki koya, ia keitou na bula vata kei koya+ ena kaukaua ni Kalou, na kaukaua vata ga e cakacaka tiko vei kemuni.+
5 Ni dikevi kemuni tiko ga se oni tudei tiko ena vakabauta se sega, ni dau vakadeitaka se o cei dina o kemuni.+ Se oni sega tiko ni kila ni oni duavata kei Jisu Karisito? Vakavo ke oni sa sega ni vakadonui.
6 Au nuitaka ni oni na qai kila ni keitou vakadonui.
7 Ia qo, e neitou masu vua na Kalou ni oni na sega sara ni cakava na ka ca. Au sega ni cakava qo me kena irairai kina ni keitou vakadonui, au vinakata ga moni caka vinaka, ke ra sega mada ga ni vakadonui keitou eso.
8 Ni keitou na sega ni saqata rawa na ka dina, keitou na tokona ga na ka dina.
9 Keitou dau marau ni oni kaukaua, e dina ni keitou malumalumu ena gauna vata qori, ia e neitou masu ni oni na vakavinakataka na ka e dodonu moni vakavinakataka.
10 Oya na vuna au volavola yani kina ni bera niu yaco yani, baleta meu kua ni vakatauca vakaukaua na lewa e solia vei au na Turaga+ ena gauna au sa na tiko kina kei kemuni, meu veivakayaloqaqataki, sega ni veivakayalolailaitaki.
11 Meu tinia raveitacini, ni marau tiko ga, ni vakavinakataki kemuni tiko ga, ni dau veivakacegui,+ ni lomavata tiko ga,+ ni dau veiyaloni,+ ena qai tiko vata kei kemuni na Kalou dauloloma qai dauveivakacegui.+
12 Ni kidavaki ira na tacimuni ena iregu ni veitacini.
13 Era loloma tu yani vei kemuni o ira kece na yalosavasava.
14 Me sobuti kemuni mada ga na loloma soli wale ni Turaga o Jisu Karisito, na loloma ni Kalou, kei na yalo tabu oni sa vakila kece tiko vakaivavakoso na kena yaga.
