Samu 49:1-20
Kuli mukwa-kusongwela miaso. Mwaso wa ana ja Kora.
49 Atu eswe atwama hano hashi apanjike kanawa,
2 atu alemu ni waze keshi ni ulemu,Pichi ni yiswale.
3 Maliji a mu kanwa liami makasolola mana.Kupukuna cha mbunge yami muchikasolola chinyingi.
4 Munguta chimwe chishima,munguchilumbununa muze ngunembi kalialia.
5 Mumu liaka natamba kwivwa woma ha mashimbu a lamba,muze anangujingilika kuli atu api waze anazange kungulimbula?
6 Atu waze akujikijila ha upite wo ni kulisambulamumu lia kwoka cha upite wo,
7 niumwe wa kuli ayo mahasa kulamwina ndumbwenyi wakuhi,chipwe kumufwetela kuli Zambi ndando ya ukuule
8 (Ndando ya kulamwina mwono wenyi yili yinji chinji.Niumwe wa kuli ayo kechi kuhasa kuyifweta),
9 hanga achine kufwa mba atwame ku miaka yeswe.
10 Atu kananyingika ngwo, chipwe akwa-mana kakufwa.Chihepuke ni chijingale kakufwa hamuwika.Upite wo wakusala kuli atu eka.
11 Ayo kanazange hanga mazuwo jo anunge ku miaka yeswe.Mbalaka jo jinunge ku yisemuko yo yeswe.
Ku mazuwo jo hanalukako majina jo.
12 Alioze atu, chipwe ngwe mapwa ni upite unji, nihindu kechi kanunga ku miaka yeswe.Ayo kaso kuhiana tushitu, mumu no kakufwa.
13 Yino ye jila ya yihepuke ni waze akwakaula.Waze akuzanga kupanjika maliji jo amokomoko. (Mana ndambu)
14 Ayo kali ngwe mapanga waze anayi hanga aashihe.
Kufwa muchikaasongwela.Ha chimene, atu waze ashishika e makaasongwela.
Lufuma wo mweswe makahwa.Zuwo lio, kulichi kapwa zuwo lia wanangana, alioze, mulikapwa Fuka.
15 Alioze Zambi mangulamwina ku tachi ja kufwa.Iye makangufunga. (Mana ndambu)
16 Kanda wivwa woma muze mutu mapwa pichi.Muze upite wenyi muwoka.
17 Mumu nyi mafwa, upite wenyi kechi kuya nawo.Upite wenyi kechi kumufunda nawo.
18 Mumu muze apwile ni mwono te kakulichichimieka mwene.
(Atu makuchichimieka muze mupwa ni upite unji.)
19 Alioze ku songo, iye mamufunjila hamwe ni tulamba twenyi.
Ayo kechi kamona nawa pangu.
20 Mutu yoze kanyingikine yuma yino,chipwe ngwe mapwa ni upite unji, nihindu mafwa ngwe kashitu.
