Samu 145:1-21
Uhaliso wa Ndawichi.
א [Alefe]
145 Mungukuchichimieka Zambi yami, Mwanangana wami.Munguhalisa jina lie ku miaka yeswe.
ב [Bete]
2 Mungukuhalisa tangwa lia muundu.Munguhalisa jina lie ku miaka yeswe.
ג [Gimele]
3 Yehova kali munene, katela uhaliso weswe.Unene wenyi niumwe kechi kuhasa kuunyingika.
ד [Dalete]
4 Ku yisemuko yeswe, atu makahalisa milimo ye.Makahanjika hakutwala ku yitanga ye ya ndundo.
ה [He]
5 Makahanjika ha unene wa uhenya we.Mungukapukuna ha milimo ye yakukomwesa.
ו [Vau]
6 Makahanjika hakutwala ku yitanga ye yize yakukolesa woma.Yami mungukambujola unene we.
ז [Zayine]
7 Makahanjika ni uwahililo ha kwiwuluka upeme we.Makakololoka ni chiseke mumu lia ululi we.
ח [Hete]
8 Yehova kakulisa mu chihela cha akwo, kakwete keke,kapwa chihomboloji, zango lienyi lize kulishi kuhwa liapwa linene.
ט [Tete]
9 Yehova kapwa mupema kuli atu eswe.Mutuhasa kumona keke yenyi ha yuma yeswe yize iye atangile.
י [Yode]
10 Yehova, milimo ye yeswe muyikakuhalisa.Waze ashishika kuli yena makakuhalisa.
כ [Kafe]
11 Ayo makambujola uhenya wa kuyula cheni kuhanjika hakutwala ku ndundo je,
ל [Lamede]
12 hanga anyingikise atu yitanga ya ndundo jeni uhenya wa kuyula che.
מ [Meme]
13 Wanangana we uli wanangana wa mutolo,kuyula che muchinunga ku yisemuko yeswe.
ס [Sameke]
14 Yehova kakukwasa eswe waze anambe kulimbukani kutakamisa eswe waze anahongo.
ע [Ayine]
15 Atu eswe kanatale kuli yena,yena wakwaha kulia ha shimbu yalita.
פ [Pe]
16 Yena wakwazulula kwoko lie ni kuhana kuliakwa-mwono eswe yize anazange.
צ [Sade]
17 Yehova kali mukwa-ululi mu majila jenyi eswe.Iye kashishika ha yeswe yize akulinga.
ק [Kofe]
18 Yehova kali hakamwihi ni waze eswe akumutambikani eswe waze akumutambika ni umwenemwene.
ר [Reshe]
19 Atu waze akuvumbika Zambi, Zambi kakwaha yeswe yize ayo anazange.Iye kakwivwa muteto wo ni kwalamwina.
ש [Shine]
20 Yehova kakufunga eswe waze akumuzangaalioze makanongesa atu api.
ת [Tau]
21 Mungukambujola uhaliso wa Yehova.Akwa-mwono eswe makahalisa jina lienyi lisandu ku miaka ya mutolo.
