Samu 36:1-12
Kuli mukwa-kusongwela miaso. Mwaso wa Ndawichi kavumbi wa Yehova.
36 Mu mbunge ya chingulungulu mwatwama wika manyonga api.Iye keshi kuvumbika Zambi.
2 Iye mwene kakulimona ngwe kali mulemu chinji.Kashika akununga ni kulinga yuma yipi.
3 Maliji jenyi kakulemeka akwo ku mbunge ni kwonga.Keshi kulinga yuma yipema.
4 Chipwe muze ali ha muhela wenyi,
Kakutesa kulinga yuma yipi.Iye hasakula jila yipi, keshi kulitwamina kulinga yuma yipi.
5 Yehova, zango lie lize kulishi kuhwa liakuheta mu malilu.Ushishiko we wakuheta ha malelwa.
6 Ululi we wapwa ngwe milundu yisuku-yisuku.Upatwilo we wapwa ngwe meya anji.
Yehova, yena wakufunga atu ni tushitu.
7 Zambi, zango lie lize kulishi kuhwa lili lipema chinji.
Atu kakuchinyina mwishi lia mapulwa je.
8 Ayo kakukuta ni kulia cha ku zuwo lie.Wakwanwisa meya apema.
9 Yena uli chishina cha mwono.Mumu lia pangu lie twakumona pangu.
10 Nunga ni kusolola zango lie lize kulishi kuhwa kuli waze anakunyingika.Solola ululi we kuli atu a mbunge yipema.
11 Kanda wecha akwa-kulizata anguliate.Chipwe kwecha atu api anguhume.
12 Yingulungulu halimbuka, haakumba.Kechi kuhasa nawa kukatuka.
