Samu 115:1-18
115 Yehova kutwatelele chuma nichimwe, kutwatelele chuma nichimwe.Alioze jina lie liatela uhaliso mumu lia zango lie lize kulishi kuhwaNi ushishiko we.
2 Mumu liaka akwa-mavungu atamba kwamba ngwo:
“Zambi yo kulihi ali?”
3 Zambi yetu kali mu malilu,kakulinga yeswayo mazanga.
4 Tuponya two kali prata ni oru,yuma yakulinga kuli atu.
5 Kali ni kanwa alioze keshi kuhanjika.Kali ni meso alioze keshi kumona.
6 Kali ni matwi alioze keshi kwivwa.Kali ni mazulu alioze keshi kwivwa vumba.
7 Kali ni moko alioze keshi kuhasa kukwata chuma nichimwe.Kali ni molu alioze keshi kwenda.Keshi kuhasa kuhanjika chuma nichimwe.
8 Atu waze akulinga tuponya jachoNi waze eswe akwafuliela mapwa ngwe ayo.
9 Yena Izalele jikijila muli Yehova.Iye kali chikwashi che ni lukepwe we.
10 Yena zuwo lia Arone jikijila muli Yehova.Iye kali chikwashi che ni lukepwe we.
11 Yenu nwakuvumbika Yehova, jikijilenu muli Yehova.Iye kali chikwashi chenu ni lukepwe wenu
12 Yehova makatwiwuluka, makatuwahisa.Makawahisa zuwo lia Izalele.Makawahisa zuwo lia Arone.
13 Mukawahisa waze akuvumbika Yehova,Anene ni akehe.
14 Yehova makanupwisa anji,Yenu ni ana jenu.
15 Anuwahise kuli YehovaYoze watangile malilu ni hashi.
16 Malilu ambala a Yehova,Alioze yahana hashi kuli atu.
17 Afu keshi kuhalisa Yehova,Chipwe waze akupalumuka muma mwa hola.*
18 Alioze yetu mutukahalisa Yehovachize musono ndo ku miaka yeswe.
Halisenu Yehova.
Footnotes
^ Hanji “muma mwa afu.”
