Samu 37:1-40
Mwaso wa Ndawichi.
א [Alefe]
37 Kanda wivwa uli mumu lia atu api.Chipwe kuvwila chipululu yingulungulu.
2 Ayo makoma susumuku ngwe chize mwambu wakuma.Makalekama ngwe mwambu wa wisu.
ב [Bete]
3 Jikijila muli Yehova ni kulinga yuma yipema.Twama mu chifuchi, nunga ni kushishika.
4 Wahilila muli Yehova.Iye makakwaha yuma yeswe yize wakuzanga.
ג [Gimele ]
5 Lihane kuli Yehova.Mujikijile, iye makukwasa.
6 Iye mapangulwisa ululi we ngwe kucha cha tangwa.Ululi we muutemuka ngwe tangwa ha muchima.
ד [Dalete]
7 Shimbwila muli Yehova ni uhumikizo.Mushimbwile ni mbunge yeswe.
Kanda wivwa uli mumu lia kumona mutu mupiKanafumbuka mu upi wenyi.
ה [He]
8 Kanda wivwa uli, mbila ufwatulo.Kanda wivwa uli neka mulinga yuma yipi.
9 Mumu atu api makaanongesa.Alioze waze akujikijila muli Yehova makazuka chifuchi.
ו [Wau]
10 Kwasala hakehe, yingulungulu kechi kapwa ko nawa.Yena mukatala haze apwile,Uchi kaamona nawa.
11 Alioze atu waze akulikehesa makazuka chifuchi.Makawahilila ni sambukila yinji.
ז [Zaine]
12 Atu api kakutwama punga akwa-ululi.Muze akwamona kakulikeleketa ku mazo.
13 Alioze Yehova kakuseha atu api.Mumu iye kananyingika ngwenyi, tangwa lia kwanongesa linakundama.
ח [Hete]
14 Yingulungulu kakutomona tutana jo ni kunana mata jo hangaashihe yoze unamono lamba ni chiswale.Ashihe waze akwenda mu jila ya ululi.
15 Alioze ayo ene makafwa ku katana wo.Uta wo wa manana makaumakuna.
ט [Tete]
16 Yuma yikehe yize mukwa-ululi alinayo,yinahiana upite unji wa yingulungulu.
17 Mumu moko ja yingulungulu makaamakuna.Alioze Yehova makakwasa akwa-ululi.
י [Yode]
18 Yehova kananyingika lamba lia akwa-ululi.Chihinga cho muchikanunga ku miaka yeswe.
19 Ayo kechi keevwisa sonyi ha matangwa a luyinda.Ha matangwa a zala ayo makapwa ni kulia chinji.
כ [Kafe]
20 Alioze yingulungulu makafwa.Akwa-kole ja Yehova makoma ngwe yitemo.Makatoka ngwe mwishi.
ל [Lamede]
21 Mutu mupi muze akutambula kongo keshi kulifweta.Alioze mukwa-ululi kakulifweta ni kusakwilila.
22 Atu waze Zambi akuwahisa makahinga chifuchi.Alioze waze iye akushinga makaanongesa.
מ [Meme]
23 Nyi Yehova kanawahilila ni mutu,kakumusongwela mu jila yize atamba kwendela.
24 Chipwe malimbuka, kechi kushimbula chinji hashi.Mumu Yehova mamukwata ku kwoko.
נ [Nune]
25 Chize ku ukweze wami ndo haliapwila hinapwa kashinakaji,kanda nguchimona kama Zambi momba nyima mukwa-ululi.Chipwe kumona ana ja mukwa-ululi mafupa kulia.
26 Mukwa-ululi mashimbu eswe kakuhana ni mbunge yeswe.Ana jenyi makatambula yiwape.
ס [Sameke]
27 China yuma yipi hanga ulinge yuma yipema.Nyi wachilinga, mukatwama ku miaka yeswe.
28 Mumu Yehova kakuzanga ululi.Iye kechi kambila waze akushishika kuli iye.
ע [Aine]
Makaafunga mashimbu eswe.Alioze munyachi wa yingulungulu makaunongesa.
29 Akwa-ululi makahinga chifuchi.Makatwamamo ku miaka yeswe.
פ [Pe]
30 Mukwa-ululi kakuhanjika yuma ya mana.Kanwa lienyi liakuhanjika yuma ya ululi.
31 Shimbi ya Zambi yenyi yili mu mbunge yenyi.Iye kakuyikaula.
צ [Tsade]
32 Mutu mupi kakukaujola mukwa-ululi hanga amushihe.
33 Alioze Yehova keshi kuhichika mukwa-ululi mu moko ja yingulungulu.Chipwe kutayiza hanga amusopese ni kumuhisa.
ק [Kafe]
34 Shimbwila muli Yehova, kaula shimbi jenyi.Iye makakunangamisa hanga ukatwame hano hashi.
Yena mukamona muze yingulungulu makaanongesa.
ר [Reshe]
35 Nakumona mutu mupi kanatanda miji ngwe mutondo unene.
36 Alioze, susumuku keshiko nawa, hatoka.Yingumufupa, alioze chamuwanyine.
ש [Shine]
37 Tala kanawa mutu mupema.Nyonga kanawa hali mukwa-ululi.Mumu iye makapwa ni sambukila kulutwe lia matangwa.
38 Alioze yingulungulu eswe makaanongesa.Atu api kechi kapwako nawa.
ת [Tau]
39 Ulamwino wa akwa-ululi wakukatuka kuli Yehova.Iye kali kaposhi wo ha matangwa a lamba.
40 Yehova maakwasa ni kwalamwina.
Iye maalamwina ku moko ja yingulungulu.Mumu kakujikijila muli iye.
