Samu 24:1-10
-
Mwanangana wa uhenya yanjilila ku yikolo
-
“Hashi hambala ha Yehova” (1)
-
Mwaso wa Ndawichi.
24 Hashi hambala ha Yehova.Yuma yeswe yize yatwamaho ni atu, yeswe ni yenyi.
2 Iye kasele mavu omu helu lia tulunga-lwiji ni ngiji.
3 Iya mahasa kukanduka ku mulundu wa Yehova?Iya mahasa kumana ha chihela chenyi chisandu?
4 Kali mutu yoze uli ni yitanga ya ululi ni mbunge yipema.Yoze keshi kulishinga yuma ya mahuza mu jina lia Zambi,chipwe kulishinga hanga onge akwo.
5 Iye makatambula yiwape ya Yehova.Makapwa mukwa-ululi kumeso ja Zambi ya ulamwino wenyi.
6 Chino che chisemuko cha waze akumufupa,Waze akufupa kumona yena Zambi ya Yakomba. (Mana ndambu)
7 Yenu yikolo, hetulenu mitwe yenu.Yenu yikolo yikulu,Azulukenu hanga Mwanangana munene anjile.
8 Mwe Mwanangana wacho munene iya?
Kali Yehova mukwa-ndundo,Yehova mukwa-kukumba mu jita.
9 Yenu yikolo, hetulenu mitwe yenu.Yenu yikolo yikulu azulukenu hanga Mwanangana munene anjile.
10 Mwanangana wacho iya?
Mwe Mwanangana wacho munene iya? Kali Yehova wa tujita, iye mwe Mwanangana munene. (Mana ndambu)
