Samu 39:1-13
Kuli mukwa-kusongwela miaso; wa Yedutune. Mwaso wa Ndawichi.
39 Nambile ngwami: “Mungulifungahanga nguchine kuvulumuna ni kanwa liami.
Mungufunga kanwa liamiMuze mungupwa mukachi ka atu api.”
2 Naholele kwami kuluuchahanjikile chuma nichimwe, chipwe chuma chipema.Alioze yikola yami yapwile yinji.
3 Mbunge yami te yinaweme muchima.
Muze te ngunapukuna te yinasasaminya chaa.
Chocho yingwamba ngwami:
4 “Yehova ngukwase kama kunyingika songo lia mwono wami,ni matangwa a mwono wami,hanga ngunyingike kukeha cha mwono wami.
5 Chamwenemwene yena hiwakehesa matangwa jami.Mwono wami uli ngwe chuma chamokomoko kumeso je.
Chamwenemwene mwono wa mutu uli ngwe mwiku. (Mana ndambu)
6 Mwono wa mutu mweswe wapwa ngwe chizulie.
Wakujimuka, yuma yeswe yize mutu akulinga yili yamokomoko.
Kakulilumbikila upite chipwe ngwe kanyingikine yoze makauhinga.
7 Yehova, kuli iya mungushimbwila nawa?
Kuli yena wika nakujikijila.
8 Ngupulwile kama ku upi wami weswe.
Kanda utayiza chihepuke angulelese.
9 Hinapwa kamama,Chahashile kuhanjika chuma nichimwe.Mumu lamba lize ngunamono linakatuka kuli yena.
10 Hwisa lamba lize unangumwesa.
Ngunahongo chinji mumu lia chize wakungulamba.
11 Yena wakufumba mutu ha kumumwesa lamba mumu lia shili yenyi.Wakunongesa yuma yize akuzanga ngwe chize akulinga yiswa.
Kwamba pundu, mutu mweswe kali ngwe mwiku. (Mana ndambu)
12 Yehova, panjika kama kulemba chami.Panjika muteto wami ungukwase.
Kanda ulengulula masoji jami.
Mumu yena wakungumona ngwe chilambala.Wakungumona ngwe mutu yoze unapalika, ngwe chize wamwene tulamba jami.
13 Kanda ungutelumuna.Ngweche kama nguwahilile shimbu kanda nguchifwa.”
