Kwiwuluka Kufwa cha Yesu
Liamawana, 2 ya Abril, 2026
Ha miaka yeswe, Yela ja Yehova kakwiwuluka kufwa cha Yesu kulita ni chize mwene atumine, muze ambile ngwenyi: “Nungenu ni kuchilinga hanga nukangwiwuluke.”—Luka 22:19.
Tunakusanyika hamwe ni asoko je hanga nukeze ha chiwanyino chacho.
Yize Atu Akuhula Chinji
Iya watamba kuya ha chiwanyino chacho?
Atu eswe. Muhasa kwiza ni asoko ni masepa je.
Chiwanyino chacho chakulinga maola angahi?
Chakulinga ola yimuwika.
Chiwanyino chacho kulihi makachilingila?
Hula Yela ja Yehova a kuze watwama akulweze kuze makachilingila.
Mba mutu aye ha chiwanyino chacho katamba kufweta?
Ka.
Kakwitaho falanga?
Ka. Yetu kutushi kwita falanga ha kukunguluka chetu cheswe.—Mateu 10:8.
Shina kuli mutapu umwe wa mahina waze natamba kuzala?
Ka. Chipwe chocho, Yela ja Yehova kakusa tachi hanga azale mazalo alita waze akusolola vumbi.
Yika yakulingiwa ha Chiwanyino cha Kwiwuluka Kufwa cha Yesu?
Chiwanyino chacho chakuputuka ni mwaso ni kulemba chize akulinga kuli umwe Chela cha Yehova, nawa chakuhwa ni mwaso ni kulemba. Katalilo wacho kanachingi nawa pande jilemu jize jakuhanjika ha kufwa cha Yesu ni chize mutuhasa kuyuka ha yize Zambi ni Kristu atulingilile.
Nyi muzanga kunyingika sango jikwo, tala chikuma “Mumu Liaka Yela ja Yehova Akwiwuluka Chiwanyino cha Mwene cha Ufuku mu Jila Yalisa?”
Ha mashimbu aka mutukalinga nawa yiwanyino ya kwiwuluka kufwa cha Yesu?
2026: Liamawana, 2 ya Abril
2027: Liakasoka, 22 ya Março
Kota Muzanga Chinji Yuma Yize Mumona
CHIWANYINO CHA YESU
Iwuluka Kufwa cha Yesu
Tunechi hanga ukalikungulule ni yetu ku chiwanyino chino chilemu. Mukalilongesa chize mwono wa Yesu ni kufwa chenyi muyihasa kukukwasa mu mwono we.
ESSENTIAL BIBLE TEACHINGS
Mumu Liaka Yesu Afwile?
Mbimbiliya yakwamba ngwo kufwa cha Yesu chili chilemu chinji. Shina kuli yize afwililile?
SANGO JIKWO
Yuka ha Chitapo cha Ukuule wa Yesu
Yuma yika yaali yilemu yize Yesu atulwezele tulinge mba tuyuke ha kufwa chenyi?
SANGO JA YETU
Yako Kukunguluka cha Yela ja Yehova cha ha Chikungulwila
Nyingika kuze twakulikungulwila ni chize uwayilo wetu wapwa. Atu eswe mahasa kupwa ha kukunguluka chacho nawa keshi kwitako mbongo.