Ang Labing Hamiling Matang sa Gugma

SA KADAGHANANG higayon diha sa Kristohanon Gregong Kasulatan, o Bag-ong Tugon, ang pulong “gugma” maoy hubad sa Gregong pulong nga a·gaʹpe.

Sa pagpatin-aw sa kahulogan sa maong termino, ang reperensiyang basahon nga Insight on the Scriptures a nag-ingon: “Ang [a·gaʹpe] dili pagkasentimental, nga gipasukad lamang sa personal nga pagbati, ingon sa kasagarang paghunahuna niini, kondili kini maoy moral o katilingbanon nga gugma nga gipasukad sa tinuyo nga pag-uyon sa kabubut-on tungod sa prinsipyo, katungdanan, ug maayong pamatasan, nga sinserong nagtinguha sa kaayohan sa lain sumala sa kon unsay husto. Ang a·gaʹpe (nga gugma) molabaw sa pagdumtanay o dili maayong kabubut-on tali sa duha ka pundok, nga dili gayod kini tugotan nga makapatalikod sa usa sa hustong mga prinsipyo ug manimalos.”

Ang a·gaʹpe mahimong maglakip usab sa dulot nga pagbati. “Batoni ang mainit nga gugma [a·gaʹpe] alang sa usag usa,” mitambag si apostol Pedro. (1 Pedro 4:8) Busa, ikaingon nga ang a·gaʹpe naglangkit sa kasingkasing maingon man sa hunahuna. Nganong dili konsiderahon ang pipila ka teksto nga nagpakita sa gahom ug gilapdon niining hamiling matang sa gugma? Ang mosunod nga mga reperensiya mahimong makatabang: Mateo 5:43-47; Juan 15:12, 13; Roma 13:8-10; Efeso 5:2, 25, 28; 1 Juan 3:15-18; 4:16-21.

Footnote]