Tulemwita ku
Icibukisho ca Mfwa ya kwa Yesu
Pali Cine pa 2 April, 2026
Tulemwita ku kulongana kubili ukushakabe ukulipila
Ilyashi lya Baibo Ilyaibela
“Nani Akalenga Isonde Likabe Paradaise?”
Mukasambilila pa fyo isonde bakaliwamya e lyo na pa fyo abantu bakalaikala bwino pano pene pe sonde.
Icibukisho ca Mfwa ya kwa Yesu
Pali uku ukulongana ukwacindama, fwe Nte sha kwa Yehova tulebukisha imfwa ya kwa Yesu filya fine umwine atwebele ukulacita.—Luka 22:19.
Amepusho Abantu Bepusha Sana
Ni bani abengasangwako kuli uku kulongana?
Abantu bonse kuti basangwako, kabili kuti mwaisa no lupwa lwenu.
Bushe uku kulongana kukalepa shani?
Ilyashi lya Baibo ilyaibela likalepa amamineti 30. Lyena ilyashi nga lyapwa kukaba ukulanshanya ne bumba pe sambililo limo ilya mu Baibo pe awala limo.
Icibukisho cena cikabako pe awala nalimo limo.
Bushe uku ukulongana kukabela kwisa?
Nga mulefwaya ukwishiba ukukabela ukulongana, tinikeni apaleti “Fwayeni Ukukabela Icibukisho” nelyo apaleti “Fwayeni Ukukabela Ilyashi Lyaibela.”
Bushe nga naisa, kukaba ukulaya ukuti nakulaisa mu kulongana lyonse no kutendeka ukusambilila Baibo na ba Nte?
Awe.
Bushe kukaba ukutuula umutuulo?
Awe. Fwe Nte sha kwa Yehova tatupoka umutuulo.—Mateo 10:8.
Bushe kwaliba ifya kufwala ifyo musuminisha fye ukufwala pa kwisa kuli uku kulongana?
Awe. Na lyo line, fwe Nte sha kwa Yehova tulesha ukufwala ifyalinga kabili ifya mucinshi.
Finshi ficitika pa Cibukisho?
Pa kutendeka ukulongana tubalilapo ukwimba ulwimbo e lyo no kupepa, kabili na pa kulekelesha na po tulemba ulwimbo no kupepa. Abapepa aya amapepo ni Nte sha kwa Yehova. Pali uku kulongana palaba ilyashi ilyacindama sana ililondolola ico imfwa ya kwa Yesu yacindamina, e lyo ne fyo twinganonkelamo mu fyo Lesa na Kristu batucitila.
Nga mulefwaya ukwishibilapo na fimbi belengeni icipande citila “Mulandu Nshi Ifyo Inte sha kwa Yehova Bacita Umulaalilo wa kwa Shikulu Fyapusanina ne fyo Imipepele Imbi Icita?”
Bushe Icibukisho cikabako lilali mu myaka ikonkelepo?
Mu 2026: Ni pali Cine pa 2 April
Mu 2027: Ni pali Cimo pa 22 March
Mu 2028: Ni pa Mulungu pa 9 April
Nga mulefwaya ukwishibilapo na fimbi, tambeni amavidio yakonkapo.
Muleibukisha Imfwa ya kwa Yesu
Muli iyi vidio kuti mwatamba ifyo ciba pa Cibukisho, kabili kuti mwamona ne fyo imfwa ya kwa Yesu ikalenga ifintu fikawame ku ntanshi.
Nalimo mwalyumfwapo ukuti afwilile pa membu shesu. Nomba bushe imfwa ya muntu umo kuti yapususha shani abantu abengi?
Finshi Ficitika pa Ng’anda ya Bufumu?
Muli iyi vidio kuti mwamona ificitika pa Ng’anda ya Bufumu.
Kopololeni aka akapepala.