Isaias 12:1-6
12 Sa aldaw na iyan siyertong sasabihon mo:
“Pinapasalamatan taka, O Jehova,Huling dawa anggot ka sa sako,Luway-luway na naghupa an kaanggutan mo, asin rinanga mo ako.+
2 Uya! An Diyos iyo an sakong kaligtasan.+
Magtitiwala ako asin dai matatakot na marhay;+Huling si Jah* Jehova iyo an sakong kusog asin kakusugan,Asin siya an nagin sakuyang kaligtasan.”+
3 Masakdo kamo nin tubig nin may kaugmahanSa mga burabod nin kaligtasan.+
4 Asin sa aldaw na iyan sasabihon nindo:
“Magpasalamat kamo ki Jehova, mag-apod sa saiyang pangaran,Ipaaram sa mga banwaan an saiyang mga gibo!+
Ipahayag nindo na mamuraway an saiyang pangaran.+
5 Magkanta kamo nin mga pag-umaw* ki Jehova,+ huling naggibo siya nin kahanga-hangang mga bagay.+
Ipaaram nindo ini sa bilog na daga.
6 Kusugi an boses nindo asin magkurahaw kamo nin may kaugmahan, kamong mga nag-iistar* sa Sion,Huling an Banal na Diyos kan Israel na nasa tahaw nindo makapangyarihan.”
