Isaias 1:1-31
1 An bisyon na nahiling ni Isaias*+ na aki ni Amoz manungod sa Juda asin Jerusalem kan panahon ni Uzias,+ Jotam,+ Ahaz,+ asin Hezekias,+ na mga hadi kan Juda:+
2 Magdangog ka, O kalangitan, asin magtao kang atensiyon, O daga,+Huli ta nagtaram si Jehova:
“Nagpadakula ako asin nag-ataman nin mga aki,+Pero nagrebelde sinda laban sa sakuya.+
3 Midbid na marhay nin sarong torong baka an nagbakal sa saiya,Asin nin sarong asno an bahugan na itinao kan kagsadiri niya;Pero dai ako midbid kan Israel,*+An sadiri kong banwaan dai minagawing may pakasabot.”
4 Hirak man kan makasalan na nasyon,+An banwaan na napapagabatan nin kasalan,Lahi nin mga tawong maraot, mga aking tampalasan!Binayaan ninda si Jehova;+Daing galang nindang trinatar an Banal na Diyos* kan Israel;
Tinalikdan ninda siya.
5 Sain pa kamo sunod na hahampakon ta sige-sige an saindong pagrebelde?+
May kamatian an bilog na payo,Asin may hilang an bilog na puso.+
6 Puon sa rapan-dapan kan bitis sagkod sa payo, mayong parte na daing tama.
May mga gurot asin mga latá saka mga lugad—Dai pa nabulong* o nabendahan o napalumoy nin lana an mga iyan.+
7 Tiwangwang an saindong daga.
Nasulo nin kalayo an saindong mga siyudad.
An saindong daga sinisiba kan mga dayuhan sa saindo mismong atubangan.+
Siring iyan sa kagabaan pagkatapos na salakayon nin mga dayuhan.+
8 An aking babayi nin Sion nawalat na garo sarong sirungan* sa ubasan,Garo sarong payag sa tanuman nin pipino,Garo sarong siyudad na nasasalikupan.+
9 Kun si Jehova na pamayo nin mga hukbo dai nagtada sa tahaw niyato nin pirang nakaligtas,Nagin siring na kuta kita sa Sodoma,Asin nagin kapareho na kuta kita kan Gomorra.+
10 Danguga nindo an tataramon ni Jehova, kamong mga diktador* kan Sodoma.+
Tawan nindong atensiyon an katugunan* kan satuyang Diyos, kamong banwaan nin Gomorra.+
11 “Anong pakinabang ko sa kadakul nindong atang?”+ an sabi ni Jehova.
“Sawa na ako sa saindong mga dulot na pigtututong na mga lalaking karnero+ saka sa taba nin mga pinatabang hayop;+Asin dai ako nauugma sa dugo+ nin mga torilyong baka,+ nin mga kordero, saka nin mga kanding.+
12 Pag kamo minaarabot tanganing umatubang sa sako,+Siisay an nag-obligar kaini sa saindo,Ining pagtimak-timak na ini sa sakong mga patyo?+
13 Punduha na nindo an pagparadara pa nin mga dulot na tipasi na daing halaga.
An saindong insenso makababaldi para sa sakuya.+
Mga bagong bulan,+ mga sabbath,+ an pagpaapod nin mga dakulang pagtiripon+—Dai ko matios an paggamit nin kapangyarihan nin mahika+ kasabay kan saindong sagradong pagtiripon.
14 Ikinaungis ko* an saindong mga bagong bulan asin an saindong mga kapiyestahan.
Nagin pagabat para sa sako an mga iyan;Pagal na ako sa kapapasan sa mga iyan.
15 Asin pag ibinubuka nindo an saindong mga palad sa pagpamibi,Itinatago ko sa saindo an mga mata ko.+
Dawa pa namimibi kamo nin kadakul,+Dai ako nagdadangog;+Pano nin dugo an saindong mga kamot.+
16 Maghurugas kamo, magpakalinig kamo;+Halia nindo sa atubangan ko an maraot nindong mga gibo;Magpurundo kamo sa paggibo nin maraot.+
17 Makanuod kamong gumibo nin marahay, hanapon nindo an hustisya,+Sagwion* nindo an nang-aapi,Idepensa nindo an mga deretso kan aking mayo nang ama,*Asin ipakipaglaban nindo an kaso kan babaying balo.”+
18 “Madya kamo ngunyan asin husayon niyato an mga bagay-bagay sa pag-ultanan ta,” an sabi ni Jehova.+
“Dawa pa an mga kasalan nindo kakulor nin iskarlata,*Papapution iyan na garo niyebe;+Dawa kasingpula an mga iyan nin pulang* tela,Magigin kasingputi an mga iyan nin telang lana.*
19 Kun magpapahiling kamo nin pagigin andam asin kun magdadangog kamo,Kakakanon nindo an marahay na mga bagay kan daga.+
20 Alagad kun magsayuma kamo asin magrebelde,Hahalunon kamo kan espada,+Huling an nguso ni Jehova an nagsabi kaini.”
21 An sarong maimbod na siyudad+ nagin na nanggad sarong imoral na babayi!*+
Pano siya kaidto nin hustisya;+Katanusan an nag-iirok kaidto sa saiya,+Pero ngunyan mga paragadan na.+
22 An saimong pirak nagin ati nin tinunaw na metal,+Asin an saimong serbesa* may salak na tubig.
23 An saimong mga pamayo* mga matagas an payo asin kakumplot nin mga parahabon.*+
An lambang saro sa sainda namumuot sa suhol asin naglalapag sa mga regalo.+
Dai ninda itinatao an hustisya para sa mga aking mayo nang ama,*Asin an kaso kan babaying balo dai nakakaabot sa sainda.+
24 Sa dahilan na iyan, an tunay na Kagurangnan, si Jehova na pamayo nin mga hukbo,An Makapangyarihan na Diyos kan Israel, nagtaram:
“Ah! Hahalion ko an sakong mga kaiwal,Asin mamamalos ako sa sakong mga kalaban.+
25 Ibabaling ko laban sa saimo an sakong kamot,Tutunawon ko an saimong ati nin metal na garo ginamitan nin lehiya,*Asin hahalion ko an gabos mong ati.+
26 Tatawan taka giraray nin mga hukom arog kan sa kapinunanAsin nin mga parakonseho arog kan sa primero.+
Pagkatapos kaini, aapudon kang Siyudad nin Katanusan, Maimbod na Banwa.+
27 Tutubuson an Sion paagi sa hustisya,+Asin an nagbabalik niyang banwaan, paagi sa katanusan.
28 An mga rebelde asin mga parakasala sabay na lalaglagon,+Asin idtong mga minabaya ki Jehova tatarapuson.+
29 Huli ta ikakasupog ninda an darakulang kahoy na minawot nindo,+Asin mapapasupog kamo huli sa mga hardin* na pinili nindo.+
30 Huli ta magigin kamong siring sa sarong dakulang kahoy na may mga nalalayang dahon,+Asin magigin kamong siring sa sarong hardin na mayo nin tubig.
31 An makusog na tawo magigin torsidong lino,*Asin an saiyang ginigibo sarong silyab;Sabay na masusulo an duwa,Mayo nin siisay man na masigbo sa sainda.”
Mga Nota
^ Nangangahulugan na “Pagliligtas ni Jehova.”
^ O “dai midbid kan Israel an kagurangnan kaini.”
^ O “Saro na Banal.”
^ Sa literal, “napusi.”
^ O “payag-payag.”
^ O “tagapamahala.”
^ O “instruksiyon.”
^ O “kan kalag ko.”
^ O “Itanos.”
^ O “kan ilo.”
^ Sa Ingles, wool.
^ Sa Ingles, crimson.
^ An buot sabihon, pulang-pula an kulor.
^ O “sarong hostes; sarong patutot.”
^ O “serbesang hali sa trigo.”
^ O “prinsipe.”
^ O “mahàbas.”
^ O “mga ilo.”
^ Saro ining maisog na substansiyang alkaline.
^ Minalataw na mga kahoy asin mga hardin ini na may koneksiyon sa pagsamba sa mga idolo.
^ Garo ini lubid na gibo sa awat (fiber) na madaling masulo.
