Tchi mfoʼte mye a hwi a. Paʼ Yéso a, wim po mbibi potse ne thoute mye gugwye, de potse tsye a hwi a, ne thoute mye a tuô a. Ke kwiʼ she potse tsye a ka yièʼ gre deng a, mye a gô ghe ge foʼte ye o de a tuô ne youʼ a. Ghe ge tse tsye a ne foʼte ye o de a, ying kwaʼ ne jiʼte ye o bo tcheng ge pou jye a. A gô ghe ge o ke le potse tsye a te bo kwite a pe ne fègne mkwègne pô pye wap bo djouʼ o a.

Sè nwe ne pô pye wap bo djouʼ o a. Tchi mfoʼte mye a bo ging pou a tse tsye wap gre a ba ne tsye a boung wap a. Pôm ge mfoʼte mye o de a ke pakgne wap, a ke neng gre nwe pôk wap.

Jiʼte pe daʼ khè ghôm gwye. Le mfoʼte ne gre pou youʼ khè ghôm gwye, te potse tsye a ka yièʼ gre deng téʼ a pe. Lé ge pô pye wap bo djouʼ o a ke kamte a daʼ foʼte ye o de a, ge wap kamte ba ywe ye o bo tcheng ge wap youʼ a.