JIʼTE 19
Ne tela ne tchoʼ tum mo
Mghôm jyenwe 3:1
YE NE KHAMTE : Kwite pô pye o bo gôm nwe bi pou a ne jye ge ywe ye wap dagne a be a ghe deng, ba ge wap ying ne.
TCHI NE GHE :
-
Ha ji bi pô pye o bo gôm nwe bi pou a ne tinte yap ne pe. Ha mhente te po byap mpaʼ ne kwite wap ne tinte ywe ye wap djouʼ tchum ne yap a.
-
Kwite wap ne ghe mkwègne pepoung. Ghe ge pô pye wap bo djouʼ o a tinte tse tsye a gre te wap ghe potse pepoung a. Kwite wap ne ghe mkwègne mye a bo tcheng a—Ne koung Jéova, pyeshe pô, ba mkhète Bible. Kwite wap ne sè nwe; ke neng sing wap pe ywe ye wap gô ghe a. Ke ghe wap kwè ge ywe ye wap gre a ka kwite. Ne ming, ha kaktuô bi pou, ba ji ne ghe paʼ wap fing a.
-
Ning deng ne Jéova. Laʼte tchi paʼ potse tsye Bible dagne a, mkhète Bible, ba mtchoʼ mye, daʼte mma Jéova ba koungne ye a be é ghe ne pe a. Ha ji bi pô pye wap bo djouʼ o a ne pe sè nwe ne ywe ye Jéova djouʼ tchum ne é a, ba ji ne pe gre ywe ye a gô poung é a.
