“Po le be gô pe mtchitcha.” (Ébr. 5:12, MN.) Naʼ sè ! Jéova​—ye é be Tchitcha gwye ne goung potse awè a, bo khé wôkpe awè, ne pe jiʼte mo ye é be yu a bi pômneng ! Ba tchwekele ye pou khé mo ge é jiʼte pô nwe nyenyô ne Jéova a​—ke a pe tchum toundye, tchum bemte, ke tchum faʼ ne sing Ghôm Si le​—a be kwaʼ taʼ mkhouʼ gwye, bing be faʼ m tuôdeng. Pe fing ne tchente faʼ faʼ gwye bô m ge ke ?

Paʼ ne hente yeng be tchum mghôm mye gè them Polo le ve bi Timotio a : “Tchente be khé ywe tsuʼ tchetche, be ha kaktuô, bing be jiʼte pô ywe.” Polo kwiʼ ge : “O gô pe ghe m poʼo te vôk tse ne o ba pô pye wap djouʼ o a” (1 Tim. 4:13, 16, MN.) Tchoung ye o gapte a bvôk pômneng. Ya ne gre te a pe tcheng ge o nyapte you tchi ne pe khé ywe ba ne pe jiʼte pô ywe. Kam ŋwaʼgne yeng gô kwite o ne. Yô she ne potse tsye a tchum o a yenge :

Jéova be “Gè Jiʼte Gwye”. (Iz. 30:20, MN.) Ba m paʼ kam ŋwaʼgne yenge gô kwite o ne tchente nyapte you tchi ne jiʼte pô ywe ba ne ké ywe a, ke laʼ duôgne ge ywe ye pe jiʼte bi pômneng a, fe m bi Jéova, yu né neng be fente pômneng ha beng é. (Yohané 6:44) Poʼo, ghe ma ne pe gre priya bi é, ne do jwégne dôlô. Tchente be gwim Ghôm tsye téʼ. Ning deng m ne Jéova, ke laʼ ning deng m ne o. Tela ne ghe ge, pô pye wap bo djouʼ o a ghe koungne ne Jéova tchum mtum map.

O ghe kwaʼ faʼ tchuô, ne jiʼte pômneng tchoung m tuôdeng téʼ, ne mtchoung mye pou le fe ha ge pômsoung ghôm bi pô a. Pye bo tchente jye ge, o yap tum tsu “ne guʼ ye a fe bi Si a”, be o gô khouʼgne ne tchente dogne faʼ bô kwaʼ pepoung.​—1 Pèt. 4:11.

Mfe pou tchum faʼ ne jiʼte pô ywe,

Pe Laʼte Jye pe Mkwithè Jéova