SALA

Ginlarang han Dios an aton siyahan nga mga kag-anak, hira Adan ngan Eva, uyon ha iya dagway. (Genesis 1:27) Nagpapasabot ito nga mahimo nira maipakita an mga kalidad han Dios, upod na an pagin murayaw ngan pagin mahigugmaon. (1 Corinto 14:33; 1 Juan 4:8) Pero waray sugta nira Adan ngan Eva an Dios ngan nakasala hira. Sugad nga resulta, kita ngatanan nakakasala ngan namamatay. (Roma 5:12) Tungod kay napanunod o namana naton an sala, may tendensya kita nga magkaada maraot nga panhunahuna ngan panggios.​—Genesis 6:5; Marcos 7:​21, 22.

GOBYERNO HAN TAWO

Waray kita laranga han Dios basi mandoan an aton kalugaringon. An Biblia nasiring: “Diri para ha tawo bisan an paggiya han iya pitad.” (Jeremias 10:23) Tungod hito, diri bug-os nga mapapaundang han mga gobyerno han tawo an girra ngan kamadarahog.

HI SATANAS NGAN AN IYA MGA DEMONYO

Iginpapakita han Biblia nga “an bug-os nga kalibotan aada ha gahum han usa nga maraot.” (1 Juan 5:19) Ito nga “usa nga maraot” gintatawag nga Satanas nga Yawa, ngan maraot hiya nga parapamatay. (Juan 8:44) Gin-iimpluwensyahan niya ngan han iya mga demonyo an mga tawo nga magpatikang hin mga girra ngan magin bayolente.​—Pahayag 12:​9, 12.