Amoxa 8:1-14
8 Ubbaa Haariya Goday Yihoowi tana bessidobay hagaa: Hekko! Boniyan gakkiya ayfiya yeggido issi keeshee deꞌees.
2 He wode I, “Amoxaa, neeni beꞌiyobay aybee?” yaagiis. Taani zaarada, “Boniyan gakkiya ayfiya yeggido keeshiya” yaagaas. Yaatin Yihoowi tawu hagaadan giis: “Ta asaa Israaꞌeelawu wurssettay gakkiis. Taani naaꞌꞌantto etawu atto giikke.
3 ‘Xoossaa keettan* yexxiyo yettati he gallassi zilaassawu laamettana,’ yaagees Ubbaa Haariya Goday Yihoowi. ‘Yan han olettida daro anhati deꞌana—ubbay sirphphi go!’
4 Biittan deꞌiya ashkkee xayanaadan oottiyageetoo,Qassi hiyyeesaa yererettiyageetoo hagaa siyite,
5 Hagaadan giyageetoo, ‘Nuuni nu kattaa bayzzana mala, aginaa xeeruwa baalay awude aadhdhanddeeshsha,Qassi nuuni nu kattaa bayzuwawu kessana mala, sambbatay awude aadhdhanddeeshsha?
Yaatikko, nu worddo meezaanatun balibakkanawu,Efaa likettaa* yesuwa guuttana,Qassi Shekiliya* deexuwa gujjana danddayeettees;
6 Yaatikko nuuni metootiya asa, biran,Hiyyeesaakka waatta caamman shammana,Qassi kattaappe pattennaagaa bayzzana.’
7 Yaaqoobi an Ceeqqiyogee, Yihoowi banan caaqqiis,‘Taani eta ooso ubbaa mule dogikke.
8 Hegaappe denddidaagan biittay* kokkorana,Qassi an deꞌiya ubbay kayyottana.
Biitta ubbay Nayledan kixxanawu deꞌennee,Qassi Gibxxen deꞌiya Nayledan eesuwan kixxanawunne wodhdhanawu deꞌennee?’
9 ‘He gallassi,’ yaagees Ubbaa Haariya Goday Yihoowi,‘Taani seeta gallassi away wullanaadan oottana,Qassi wagaggidi pooꞌiya gallassi biittay xumanaadan oottana.
10 Taani intte baalata kayyuwawu,Qassi intte yetta ubbaa zilaassawu laammana.
Taani xeessa ubbaa waaruwa gixissana, qassi huuphe ubbaa boꞌꞌayana;Taani he gallassaa, mexi issi naꞌi hayqqin kayyottiyogaa mala oottana,He gallassaa wurssettay ay keena camo gidanddee!’
11 ‘Hekko! He gallassay yiiddi deꞌees,’ yaagees Ubbaa Haariya Goday Yihoowi,‘He wode, taani biittan koshaa yeddana,Hegee qumi xayin koshatiyogaa, woy haatti xayin saamettiyogaa gidennan,Yihoowa qaalaa siyanawu amottiyogaa.
12 Eti abbaappe abbaa,Qassi huuphessappe arshsho* ganddigaariiddi baana.
Eti Yihoowa qaalaa koyiiddi toylattana, shin demmokkona.
13 He gallassi saamuwappe denddidaagan,Puulanchcha geelaꞌotikka, yelaga attumaageetikka labbanana;
14 Samaariya mooruwan caaqqiyageeti, qassi,“Laa Danaa, hegee ne xoossay deꞌiyogaadan tuma!”
Qassi, “Hegee Beꞌer-sheba ogee deꞌiyogaadan tuma!” yaagiyageeti,
Eti kunddana, qassi eti zaarettidi denddokkona.’”
