Amoxa 3:1-15

  • Xoossaa pirddaa awaajjiyogaa (1-8)

    • Xoossay ba xuuraa qonccissees (7)

  • Samaariya bolli odettidabaa (9-15)

3  “Inttenoo Israaꞌeela asawu, inttebaa, Gibxxe biittaappe taani kessada ehiido kumetta keettaa asaabaa Yihoowi yootiyo ha qaalaa siyite:  2  ‘Saꞌan deꞌiya keettaa asa ubbaappe taani eridoy intte xalaala. Hegaa gishshawu, intte mooro ubbaa gaasuwan taani inttena oychchana.  3  Naaꞌꞌu asati maayettidi* gayttennan issippe hemettiyonaa?  4  Shankkatiyobi baynnan gaammoy woran gudii? Aybanne oyqqennan wodala gaammoy* ba geessuwan guurummii?  5  Gitee waaxettennan* kafoy gitiyan oyqettii? Piree aybanne oyqqennan coo pirii?  6  Kataman malkkatay punettikko asay shabbirettennee? Kataman bashshay yiikko, hegan Yihoowa kushee deꞌennee?  7  Ayssi giikko, bawu haggaaziya, hiraagaa yootiyageetussi ba xuuraa* qonccissennanUbbaa Haariya Goday Yihoowi aybanne oottenna.  8  Gaammoy gudiis! Yayyennay oonee? Ubbaa Haariya Goday Yihoowi haasayiis! Hiraagaa yootennay oonee?’  9  ‘Ashddooda mino gimbbetu bolli,Qassi Gibxxe biittan deꞌiya mino gimbbetu bolli hagaa awaajjite. Yaagite: “Samaariya deretu bolli shiiqite;I giddon deꞌiya shabbirssaa,Qassi I giddon deꞌiya balibakkuwa beꞌite. 10  Ayssi giikko, danobaanne bashshaa bantta mino gimbbetu giddon minjjiyageeeti,Suurebaa waati oottanaakko erokkona” yaagees Yihoowi.’ 11  Hegaa gishshawu, Ubbaa Haariya Goday Yihoowi hagaadan gees,‘Morkkee biittaa dooddana,I ne minotettaa wotti ekkana,Qassi ne mino gimbbetun deꞌiya ubbabaa bonqqana.’ 12  Yihoowi hagaadan gees,‘Henttanchchay naaꞌꞌu gede woy duuxa haytta xalaalaa gaammuwa doonaappe dafi ekkiyogaadan,Haꞌꞌi Samaariyan giiga hiittatuuninne loꞌꞌo arssatun* uttiyaIsraaꞌeela asay attanaykka hegaadaana gidana.’ 13  ‘Siyite, qassi naagettanaadan Yaaqooba keettawu yootite,’* yaagees Olanchchatu Xoossay, Ubbaa Haariya Goday Yihoowi. 14  ‘Ayssi giikko, taani Israaꞌeela A makkala* ubbaa gaasuwan oychchiyo gallassi,Beeteele yarshshiyo sohotakka oychchana;Yarshshiyo sohuwa kaceti qanxxettananne saꞌan kunddana. 15  Taani balgguwa keettaa boniya keettaarakka issippe shocana.’ ‘Danggarssaa zaaliyan alleeqettida keettati xayana,Qassi gita* keettatikka xayana,’ yaagees Yihoowi.”

Footnotes

^ Woykko “keerettidi.”
^ Woykko “gotoshuwa kessida yelaga gaammoy.”
^ Woykko geella, “Gitiya giddon miyobi baynnan.”
^ Woykko “gentti wottidobaa.”
^ Woykko “Damasqqo arssatun.”
^ Woykko “Yaaqooba keettaa bolli markkattite.”
^ Woykko “dano.”
^ Woykko geella, “Qassi daro.”

Copyrights for this publication