Amoxa 4:1-13
4 “Inttenoo, Samaariya deriyan deꞌiyageetoo,Laafaa* balibakkiyanne hiyyeesaa yedhdhiya macca asatoo,Intte azinata,* ‘Nuuyyo uyiyobaa eha!’ yaagiyageetoo,Inttenoo, Bashana macca miizzatoo, hagaa siyite.
2 Ubbaa Haariya Goday Yihoowi ba geeshshatettan caaqqiis,‘“Hekko! I inttena ashuwa kaqqiyobatun,*Qassi attidaageeta moliya oyqqiyo piriyan pude denttiyo gallassay yiiddi deꞌees.
3 Intte ubbay dirssaa gimbbiya xooꞌetuura kiyidi sitti giidi sinttawu baana;Qassi intte goodettidi Harmona baana,” yaagees Yihoowi.’
4 ‘Beeteele yiitenne nagaraa oottite,*Gelggala yiitenne nagaraa ubba yaa darissidi oottite!
Maallado intte yarshshuwa ehiite,Qassi heezzantto gallassan intte asirataa* ehiite.
5 Irshshoy gelido oyttaa galataa yarshshuwawu xuuggite;Intte dosan yarshshiyo yarshshuwabaa asa ubbawu awaajjite!
Ayssi giikko, inttenoo Israaꞌeela asawu, hegee intte oottanawu dosiyoba,’ yaagees Ubbaa Haariya Goday Yihoowi.
6 ‘Taani intte katamatu ubban miyobi aybinne xayanaadan* oottaas,*Qassi intte keetta ubban qumi xayanaadan oottaas;Shin intte taakko simmibeekketa,’ yaagees Yihoowi.
7 ‘Qassi taani cahaappe heezzu aginaa kasetada, intteyyo iri bukkennaadan teqqaas;Taani issi kataman iraa bukissaas, shin hara kataman bukissabeykke.
Issi gaden iray bukkees,Shin hara gadee iri xayin melees.
8 Naaꞌꞌu woy heezzu kataman deꞌiya asati haattaa uyanawu, ganddigaariiddi issi katamaa biidosona,Yaanidikka, eti saamuwa alibookkona;Shin intte taakko simmibeekketa,’ yaagees Yihoowi.
9 ‘Taani intte kattaa suulliya mishuwaninne melissiya harggiyan shocaas.
Intte intte ataakiltte sohuwanne intte woyniya gadiya aassideta;Shin boolee intte balasiya mittatanne intte wogaraa mittata dippi oottidi mees;Gidikkonne, intte haꞌꞌikka taakko simmibeekketa,’ yaagees Yihoowi.
10 ‘Gibxxe bolli yiidaagaa mala boshaa* taani intte bolli yeddaas.
Taani intte yelaga attuma asaa bisuwan woraas, qassi intte parati omooddettanaadan oottaas.
Taani intte kambbetun anhati inttena xinqquwa ullanaadan oottaas;Shin intte taakko simmibeekketa,’ yaagees Yihoowi.
11 ‘Taani Sadoomanne Gamoora bashshidoogaadan,Intte biittaa bashshaas.
Qassi intte tamaappe dafi kessido mittaa mala;Shin intte taakko simmibeekketa,’ yaagees Yihoowi.
12 Yaaniyo gishshawu, nenoo Israaꞌeelaa, taani ne bolli hegaadan oottana.
Taani ne bolli hegaadan oottanawu deꞌiyo gishshawu,Nenoo Israaꞌeelaa, ne Xoossaara gayttanawu giigetta.
13 Hekko! I deretanne carkkuwa Medhdhidaagaa;I ba qofay aybakko asawu yootees,I wonttimaattaa xuma kessees,Qassi I saꞌaa xoqqa sohotu bollan hemettees;Olanchchatu Xoossaa Yihoowi A sunttaa.”
