Amoxa 6:1-14
6 Samaariya deriyan hirggi baynnan deꞌiyageetuyyo,Deretu ubbaa giddon waannatiya deriyan hayttatida asatuyyo,Israaꞌeela keettay etakko yiyogeetuyyo,Xiyonen banttanan ammanettiyageetuyyo* aayyeero!
2 Kalnehakko pinnidi beꞌite.
Yaappe Gita Hamatakko biite,Qassi Pilisxxeematu katamaa Gaatekko wodhdhite.
Eti ha kawotettatuppe* aadhdhiyonaa,Woy eta moottay intteegaappe aakkii?
3 Intte bashshaa gallassaa qoppennan ixxeetii,Qassi makkala haaruwa* aassiiddi deꞌeetii?
4 Eti wudiya giddoppe anqqara dorssaa orggetanne modhdho meheta* miiddi,Danggarssaa zaaliyappe merettida hiittatun ichchoosonanne arssatun samppappidi zinꞌꞌoosona;
5 Eti diittay* diixettiyo wode bantta doonan yaagaadan coo yexxoosona,Qassi Daawitaagaadan muuziqaa miishshata medhdhoosona;
6 Eti gita wanccatun woyniya uyoosona,Qassi keehi loꞌꞌo zaytiya tisttettoosona.
Shin eti Yooseefa bashshaabaa qoppibookkona.*
7 Hegaa gishshawu, eti omooddettiya ubbatuppe kasetidi omoodduwan baana,Qassi samppappidi zinꞌꞌidaageeti dajjetidi allaxxiyogee attana.
8 ‘Ubbaa Haariya Goday Yihoowi banan* caaqqiis,’ yaagees olanchchatu Xoossay Yihoowi,‘“Taani Yaaqooba otoruwa shenetays,A mino gimbbeta ixxays,Qassi taani katamaanne an kumidabaa aatta immana.
9 “‘“Issi keettan tammu asati attikko, etikka hayqqana.
10 Issi dabboy* eta issuwa issuwa tookki kessidi xuugganawu yaana. I eta meqettaa sooppe kare kessana; yaatidi keettawu giddo kifiliyan deꞌiya izaawa, ‘Ne matan harati deꞌiyonaa?’ yaagidi oychchana. Qassi I, ‘Ooninne baawa’ yaagana. Yaatin I, ‘Coꞌꞌu ga! Ayssi giikko, hagee Yihoowa sunttaa mule denttiyo wode gidenna’ yaagana.”
11 Ayssi giikko, azaziyagee Yihoowa,Qassi I gita keettaa kinchchana,Guutta keettaakka mentterettana.
12 Parati zaallaa bolli piriixiyonaa,Woy issi izaawu yan booraa goyyii?
Ayssi giikko, intte suuretettaa marzze maata,Xillotettaa ayfiyakka cuqqunne* kessideta.
13 Intte pattennaban ufaytteeta,Qassi, “Nuuni nu minotettan wolqqaama gidibookkoo?”* yaageeta.
14 Hegaa gishshawu, inttenoo Israaꞌeela keettawu, taani intte bolli issi deriya ehaana,’ yaagees olanchchatu Xoossay Yihoowi,‘Qassi eti Lebo-hamatappe* biidi duge Arabaha Melida Shaafaa* gakkanaashin inttena huqqunnana.’”
Footnotes
^ Woykko “qofi baynnan deꞌiyageetuyyo.”
^ Yihudaanne Israaꞌeela kawotettata malaatiyaba gidiyogee qoncce.
^ Mise, “oydiya.”
^ Woykko “mirggota.”
^ Woykko “baqettan waaxettida miishshay.”
^ Mise, “bashshaaban sakettibookkona.”
^ Woykko “ba shemppuwan.”
^ Mise, “A aawaa ishay.”
^ Woyko “camo.”
^ Mise, “kaciya nuuyyo ekkibookkoo.”
^ Woykko “Hamata geliyosaappe.”
^ Qonccissuwa xeella.
