Matewu 1:1-25
1 Buku ya matimu* ya Yesu Kreste,* n’wana wa Davhida,+ n’wana wa Abrahama:+
2 Abrahama a va tata wa Isaka;+Isaka a va tata wa Yakobo;+Yakobo a va tata wa Yuda+ ni vamakwavo;
3 Yuda na Tamari va veleka Faresi na Zara;+Faresi a va tata wa Hezroni;+Hezroni a va tata wa Rhamu;+
4 Rhamu a va tata wa Aminadaba;Aminadaba a va tata wa Nasoni;+Nasoni a va tata wa Salmoni;
5 Salmoni na Rahava+ va veleka Bowazi;Bowazi na Rhuti va veleka Obede;+Obede a va tata wa Yese;+
6 Yese a va tata wa hosi Davhida.+Davhida ni nsati wa Uriya va veleka Solomoni;+
7 Solomoni a va tata wa Rehobuwama;+Rehobuwama a va tata wa Abiya;Abiya a va tata wa Asa;+
8 Asa a va tata wa Yehoxafati;+Yehoxafati a va tata wa Yehorama;+Yehorama a va tata wa Uziya;
9 Uziya a va tata wa Yohatama;+Yohatama a va tata wa Akazi;+Akazi a va tata wa Hezekiya;+
10 Hezekiya a va tata wa Manase;+Manase a va tata wa Amoni;+Amoni a va tata wa Yosiya;+
11 Yosiya+ a va tata wa Yekoniya+ ni vamakwavo hi nkarhi lowu va nga yisiwa evuhlongeni eBabilona.+
12 Endzhaku ko yisiwa evuhlongeni eBabilona, Yekoniya a va tata wa Salatiyele;Salatiyele a va tata wa Zerubabele;+
13 Zerubabele a va tata wa Abiyudi;Abiyudi a va tata wa Eliyakimi;Eliyakimi a va tata wa Azori;
14 Azori a va tata wa Sadoki;Sadoki a va tata wa Akimi;Akimi a va tata wa Eliyudi;
15 Eliyudi a va tata wa Eliyazara;Eliyazara a va tata wa Matani;Matani a va tata wa Yakobo;
16 Yakobo a va tata wa Yosefa nuna wa Mariya, loyi Yesu la vuriwaka Kreste+ a velekiweke+ hi yena.
17 Switukulwana hinkwaswo ku sukela eka Abrahama ku fikela eka Davhida a swi ri 14; ku sukela eka Davhida ku ya fika hi nkarhi lowu va yisiweke evuhlongeni eBabilona a ku ri switukulwana swa 14; ku sukela hi nkarhi wa ku yisiwa ka vona eBabilona ku fikela eka Kreste a ku ri switukulwana swa 14.
18 Kambe Yesu Kreste u velekiwe hi ndlela leyi. Hi nkarhi lowu mana wakwe Mariya a a tshembisane ku tekana na Yosefa, u kumeke a tikile hi moya lowo kwetsima*+ va nga si tekana.
19 Hambiswiritano, hikwalaho ka leswi Yosefa nuna wakwe a a lulamile naswona a a nga lavi ku n’wi endla xihlekiso evanhwini, u kunguhate ku n’wi tshika exihundleni.+
20 Kambe endzhaku ka loko a ehleketisise hi mhaka leyi, hiloko ntsumi ya Yehovha* yi humelela eka yena enorhweni yi ku: “Yosefa, n’wana wa Davhida, u nga chavi ku teka Mariya nsati wa wena u famba na yena ekaya, hikuva ku tika kakwe ku vangiwe hi moya lowo kwetsima.+
21 Mariya u ta veleka n’wana wa jaha, wena u ta n’wi thya vito ra Yesu,*+ hikuva u ta ponisa vanhu vakwe eswidyohweni swa vona.”+
22 Hinkwaswo leswi swi humelerile leswaku ku endleka leswi vuriweke hi Yehovha* hi ku tirhisa muprofeta wakwe, a ku:
23 “Vonani! Nhwana u ta tika kutani a veleka n’wana wa jaha, u ta thyiwa vito ra Emanuwele,”+ leri loko ri hundzuluxeriwa ri vulaka, “Xikwembu Xi Na Hina.”+
24 Hiloko Yosefa a pfuka evurhongweni kutani a endla hilaha ntsumi ya Yehovha* yi n’wi leriseke hakona, a teka nsati wakwe a muka na yena.
25 Kambe a nga etlelanga na yena ku fikela loko a veleka n’wana wa jaha,+ kutani a n’wi thya vito ra Yesu.+
Tinhlamuselo ta le hansi
^ Kumbe “Mesiya; Muhlawuriwa.”
^ Kumbe “rixaka ra.”
^ Kumbe “matimba ya Xikwembu.”
^ Leyi i ndhawu yo sungula eka ta 237 eka Matsalwa ya Vukreste ya Xigriki laha vito ra Yehovha ri humelelaka kona. Vona Xiengetelo A5.
^ Ri yelana ni vito ra Xiheveru leri nge Yexuwa, kumbe Yoxuwa leswi vulaka leswaku “Yehovha I Muponisi.”
^ Vona Xiengetelo A5.
^ Vona Xiengetelo A5.
