Yeremia 2:1-37
2 Yehova ôr kwagh a mo, kaa ér:
2 “Za, za yôô sha ato a Yerusalem wer, ‘Ka kwagh u Yehova a kaa je ne, ér:
“M umbur gbashima* u u tese shighe u u lu iyev la tsembelee,+Kua dooshima u u tese shighe u i tsôr u ér avôso la,+Man er yange u dondom ken taaikyôngo,Ken tar u i lôô ivor ker ga la.+
3 Iserael lu icighankwagh hen Yehova,+ iyiav mbi hiihii mbi sunda na.”’
‘Hanma or u nan bula un yô, nana ya ibo.
Kwaghbo una va sha a ve,’ kape Yehova a kaa la.”+
4 Ungwa kwaghôron u Yehova, we ya u Yakob,Man ne icombor i ya u Iserael cii.
5 Ka kwagh u Yehova a kaa je ne, ér:
“Ka nyi i bo uter enev yange ve zua a mi ken a mo,+Ve ve tsume ve gba ica a mo kpishi,Shi ve zende vea ieev mbi gbilinigh+ shi ve ayol a ve ve hingir agbilinaioro?+
6 Ve kera pine ér, ‘Yehova ngu hana?’ ga;‘Un u due a vese ken tar u Igipiti,+Hemen se kar a vese ken taaikyôngo,Man ken tar u lun a udesereti+ man ahungwa,Kua ken tar u uman tseghe tseghe+ man u angôghime,Kua ken tar u or môm nan zenden ker ga,Man u orumace môm nan lu ker ga la.’
7 Maa m va a ven ken tar u ishuleikyon,Sha u ya nen atam a ikyon a u, man akaa a dedoo a u.+
Kpa ne mba va nyer ker yô, ne gema ne hôngor mo tar;Ne er dyako wam hingir kwagh u ndôhôrshima.+
8 Upristi kpa pine ér, ‘Yehova ngu hana?’+ ga.
Mba ve lu a tom u tesen Tindi la fam ga,Mbakuranilev hembam ato,+Uprofeti ôr kwaghôron u profeti ken iti i Baal,+Shi ve dondo ior mba ve fatyô u van a kwagh u lun a iwasen ga yô.
9 ‘Nahan shi me nôngo kwagh a ven,’+ kape Yehova a kaa la,‘Me nôngo kwagh a ônov mba ônov enev.’
10 ‘Kpa per va nen hen akpe a mnger a* Kitim+ va nenge nen.
Een, tindi nen a loho hen Kedar,+ hen nen sha mi zulee;Nenge nen aluer imbakwagh ne i vande eren yô.
11 I lu nahan ma ikyurior i musan mbaaôndo mba i sha mbaaôndo mba ve lu mbaaôndo ga vee?
Kpa ior av yô, musan icivir yam sha gbilinkwagh.+
12 Kenger nen, i kpiligh ne iyol a kwagh ne, ne usha;Gbidye nen akarkase iyol sha mcie tsung,’ kape Yehova a kaa la,
13 ‘Gadia ior av er akaabo ahar:
Ve undum, mo u m lu imbor i mngerem ma umam ne,+Ve za time* azôr sha ci ve ayol a ve,Azôr a yôhôr, a aa fatyô u lun a mngerem shimi ga yô.’
14 ‘Iserael ngu ortom shin kpan u i mar un hen ya u orvesen na yôô?
Nahan er nan i de ér i ya un ishara?
15 Agumabegha* ta kume a na;+A ta kume taver taver.
A gema tar na hingir kwagh u cieryol.
I nande agar a na sha usu, or môm kera shi ker ga.
16 Ior i Nofi*+ man Tahapanheshi+ ya idyer you i sha ityo.
17 Kera ka we u ve a kwagh ne sha iyol youSha u undun Yehova Aôndo wou,+Er lu hemen we gbenda la ga zee?
18 Hegen yô, er nan i sar u u̱ zan sha gbenda u Igipiti+Za man mngerem ma Shihor?*
Er nan i sar u u̱ zan sha gbenda u Ashiria+Za man mngerem ma Ifi* laa?
19 Ifer you i kôôm we,Shi ieren you i mimi ga la i tsaha u.
Fa shi kav er i lu kwaghbo shi i vihi kpishi+U undun Yehova Aôndo wou yô;U ciam cuku tsô kpaa ga,’+ kape Yehova u akum a sha, Ter u Hemban Cii a kaa la.
20 ‘Gadia m hembe igbur you avur avur ica i gba hegen+Shi m tôndo ahye a ou.
Kpa u kaa wer: “Me er u tom ga,”Gadia yange u yav u bugh angahar, u lu eren gbaga+Sha hanma igyungu i taven man shin itine i hanma kon u lun gese gese.+
21 Yange m lôô u u lu wain u nyian u injaa,+ un cii lu vor u doon tsung;Nahan er nan u gem u hingir agbaa a bo a wain u ken toho sha ishigh yagha?’+
22 ‘Aluer wea ôô iyol sha soda* man sha icahur* kpishi kpa,Isholibo you ia hôngor we sha ishigh yagh her,’+ kape Yehova, Ter u Hemban Cii a kaa la.
23 A er nan u kaa wer, ‘M hôngor iyol yam ga,M dondon Ubaal kpaa ga’?
Nenge, gbenda wou ngu shin pev.
Hen sha kwagh u u er la.
U ngu er tule-rakumi u a lu yevese dang dang,Zan ken hemen, hiden ken ijime sha igbenda na nahan,
24 Man er mgbianjaki u ken toho u a hoghor a taaikyôngo,U a lu hungur ahumbe, keren ér nom a unde un nahan.
Er a lu keren ér nom a unde un yô, ka an nana fatyô u yangen unu?
Mba ve lu keren un cii ishima ia nyian ve ga.
Vea zua a na hen shighe na.*
25 De deen wer angahar a ou a lu gbilin gaShi de deen wer ikyer i uma u ga.
Kpa u kaa wer, ‘Kwagh la ka gbilinkwagh!+
Ei! Mbavannya* doom ishima,+Nahan me dondo ve.’+
26 I hee ya u IseraelEr ka a kôr ormbaiv ve nan hee nahan,Ve man utor vev man mbahemenev vev,Man upristi kua uprofeti vev cii hee.+
27 Ka ve kaa a kon ér, ‘Ka we u lu terem ye,’+Shi ve kaa a iwen ér, ‘Ka we u marem ye.’
Kpa mo yô, ve gema ijime a mo, ve nam ishigh ga.+
Kpa kwagh a tseren ve yô, ve kaa ér,‘Mough sha yima se!’+
28 Hegen yô, mbaaôndo ou mba u er la mba hana?+
Ve̱ mough sha, ve̱ yima u hen shighe u kwagh a tser u ne, vea fatyô yô,Gadia mbaaôndo ou ngee er agar a ou nahan, we Yuda.+
29 ‘Er nan u ze hemen u nôngon kwagh a moo?
Er nan ve ne cii ne hembem ato?’+ kape Yehova a kaa la.
30 Ka gbilin tsô m tsaha ônov enev ye.+
Mba lumun tsaha ga;+Sanker wen wua uprofeti enev,+Er begha u tan kume nahan.
31 Ne kov ne, hen nen sha kwaghôron u Yehova.
M hingir er taaikyôngo nahan hen Iseraele?
Shin m hingir un er tar u wan ime mgbigh mgbigh nahana?
Er nan ve ior av mban ve kaa ér, ‘Se zende nen sha ishima yase.
Se kera va hen a we ga’?+
32 Iniunkwase ia fatyô u hungur akaa a hweegh a nanaa?
Kwasehe nana fatyô u hungur tsar u nan u tsulen sha vanger* je kpa?
Nahan kpa ior av yô hungur a mo ayange ngee gande u ôron.+
33 We kwase, nenge imba er u ser gbenda wou tsembelee u keren dooshima sha wono!
U tsaase iyol you sha igbenda i ifer.+
34 Akondo a ou je kpa hôngor a awambe a atsanaior a a lu a ishô la,+Er m nenge ve u hemben iyou you nyôron ker ga nahan kpa;Awambe a ve nga sha akondo a ou cii.+
35 Kpa u kaa wer, ‘M ngu a ishô.
Mimi yô, Aôndo kera vihi ishima a mo ga.’
Hegen yô, m ngu van a ijirôron sha a weSha ci u u kaa wer, ‘M er isholibo ga.’
36 Er nan u nenge ieren you i ta-ta-ta la beelee nahana?
U hee sha ci u Igipiti kpaa,+Vough er yange u hee sha ci u Ashiria nahan.+
37 Shi sha ityôkyaa ne yô, we kpa u kaa ave sha ityo u due ken won,+Gadia Yehova venda mba u suur sha a ve la;Vea wase u ga.”
Ngeren mba shin kpe
^ Shin “erdoo.”
^ Shin “uicile mba.”
^ Shin “Ve za ongor,” a shi nan kpa lu ken vande.
^ Shin “Agumabegha a menden ingya.”
^ Shin “Memfishi.”
^ Ka Uferati je la.
^ Ka gbaa u Ifi u Nil je la.
^ Kwagh ne ka kwagh u ka i kire kwagh a mi sha u a lu wang yô.
^ Shin “mtsem.”
^ Zwa Heberu, “hen uwer na.”
^ Shin “Mbaaôndo mba akuraior.”
^ Shin “kwange u nan u ivesegh.”
