Yeremia 13:1-27
13 Ka kwagh u Yehova ôr a mo je ne, ér: “Za, za yam kwange u i er sha ikyondo yô sha ci wou tsule shin iwenge, kpa de we shin mnger ga.”
2 Tsô m za yam kwange er Yehova ôr nahan, m tsule shin iwenge.
3 Shi Yehova ôr kwagh a mo sha kwa har kaa ér:
4 “Tôô kwange u u yam u lu tsulen la, mough za hen Uferati, za yer u ken kwe u vandegh.”
5 Tsô m yem m za yer u hen Uferati, vough er Yehova ôr a mo nahan.
6 Kpa ayange nga kar kpishi yô, Yehova kaa a mo ér: “Mough sha, za hen Uferati, za tôô kwange u yange m kaa a we mer yer her la.”
7 Tsô m yem hen Uferati m za time m dugh kwange la, m tôô u hen ijiir i yange m yer u la, nahan m nenge kwange la vihi, u saa ishe vindi vindi.
8 Maa Yehova ôr kwagh a mo kaa ér:
9 “Ka kwagh u Yehova a kaa je ne, ér, ‘Kape me tim ihyagh i Yuda man zegeihyagh i Yerusalem je la.+
10 Aferaior a a vende u ungwan mkaanem am,+ ve mba ve taver ityough ve lu dondon asema a ve,+ shi ve lu dondon mbaaôndo mbagen, civir ve shi guren ve inya la, vea hingir vough er kwange u u saa ishe vindi vindi ne nahan.’
11 ‘Vough er kwange ka u var or ken iwenge nahan, kape m er ya u Iserael cii man ya u Yuda cii a var a mo je la,’ kape Yehova a kaa la, ‘sha u vea hingir mo ior+ man iti+ man iwuese man kwagh u doonashe yô. Kpa ve ungwa imo yam ga.’+
12 “Shi ôr ve loho ne keng, kaa wer, ‘Ka kwagh u Yehova Aôndo u Iserael a kaa je ne, ér: “I̱ haa wain shin hanma ityegh ki vesen ki iv.”’ Nahan vea gema a kaa a we ér, ‘Se vande fan er i gbe u a iv hanma ityegh ki vesen a wain gaa?’
13 Maa kaa a ve wer, ‘Ka kwagh u Yehova a kaa je ne, ér: “Nenge, m ngu ivin ior mba ve lu ken tar ne la cii a ihyundugh ki msôrough,+ ka utor mba ve tem sha ikyônough ki torough ki Davidi, man upristi man uprofeti kua ior mba ve lu ken Yerusalem la cii je la.
14 Shi me kôr ve me ta sha mbagen vea hembe vughô vughô, uter a ônov imôngo,” kape Yehova a kaa la.+ “Kunya a kôrom ga, me vaa afanyô shin me zungwe ve mhôônom tsô kpaa ga; kwagh môm kpa una yangem u timin ve ga.”’+
15 Ungwa nen shi ver nen ishima.
De kenden nen a iyol sha ga, gadia ka kwagh u Yehova a ôr je la.
16 Na nen Yehova Aôndo wen icivir,Cii ve una va a ime ye,Shi cii ve angahar a en aa nôngo gbeev sha iwo aôndoaimegh ye.
Ne ver ashe a iwanger,Kpa una gema a va a angôghime;Una gema iwanger la ia hingir ime i wan mgbigh mgbigh.+
17 Shi aluer ne venda u keghen ato yô,Me vaa myer sha ci u ihyagh yen.
Me vaa kpishi, ashe a am aa ndôôr mliam,+Sha ci u i kura iyôngo i Yehova+ i yem a mi uikyangen.
18 Ôr tor man ngô u tor* wer,+ ‘Tema nen hen ijiir i gban ijime la,Sha ci u idyer yen i doonashe la, ia bugh sha ityough yenegh ia gba inya.’
19 I wuhe* agar a ken imbusutariyan, or môm ngu u bughun a ga.
I yem a Yuda cii uikyangen, i yem a na uikyangen vindi vindi.+
20 Kende ashe a ou sha, nenge ior mba ve lu van ken imbusutarimese la.+
Iyôngo you i doonashe i yange i na u la ngi hana?+
21 Shighe u azende a ou a kôôsôô a yange u ya sha hiihii,Aa tsaha u la, u ôr wer nyi?+
Mnyoonom ma martoghor ma a kôr u, er ka ma kôr kwase u nan lu maren la gaa?+
22 Shi ka wea kaa ken ishima you wer, ‘Er nan akaa ne a ereme?’ yô,+Ka sha ci u kwaghbo u vesen u u er la a ne ve i ande vegher u ikyondo you u shin,+Shi angahar a nyoon we kpishi ye.
23 Orkushi* nana fatyô u geman kwavyolough u nan, shin anyamazenga una fatyô u geman acan a a te un iyol laa?+
Aluer ka nahan yô, ne fatyô u eren kwagh u dedoo,Ne mba i tsaase ne u eren kwaghbo ne.
24 Sha nahan yô, me sambe ne er toho u ahumbe a ken desereti a purugh a mi nahan.+
25 Ngun ka kwar wou, ka vegher u m kar kwar m ne u je la,” kape Yehova a kaa la,“Sha ci u u hungur a mo,+ u gema u suur sha mbaaie.+
26 Sha nahan yô, me kôvor vegher u ikyondo you u shin la me cir u sha ishi,Nahan a nenge a kunya wou,+
27 Man idya+ you i eren man er i sar u tsung u yaven a or la,Kua gbaga wou u ndôhôrshima* la.
M nenge a ieren you i ndôhôrshima,+Sha agungu man ken toho.
Kwagh tser u ve, we Yerusalem!
U za hemen u lun wang ga a kuma shighe nan je?”+
