Ukwelegh 5:1-22
5 Yehova, umbur kwagh u a tser se ne.
Kenger, shi nenge ihyeen yase.+
2 I gema dyako wase i na mbavannya, i gema uya asev i na ushirmbaiorov.+
3 Se hingir ancôgholov, se kera mba a ter ga; ungôôv asev mba er kasevmbacôgholov nahan.+
4 Saa se kimbi inyaregh ve se ma mngerem asem ye,+ shi ka se kimbi inyaregh sha ikyon yase ve se zua a mi ye.
5 Mba ve lu zendan se la mba sha mon wase;Se vôr, kpa i de ér se mem ga.+
6 Se dugh uwegh asegh sha Igipiti+ man sha Ashiria+ sha u se zua a beredi kpishi se ya yô.
7 Uter asev mba ve er isholibo la kera mba ga, kpa gba u se tôô akaabo a ve.
8 Mbatomov mba hemen se hegen; or môm ngu u tsuen se sha uwegh vegh kera ga.
9 Ka se ver uma wase sha zongo ve se va a beredi ye,+ sha ci u sanker ngu ken taaikyôngo.
10 Kwavyolough wase tsee er atse a usu nahan, sha ci u ijen kôr se je iyav nduur se.+
11 Ve hee kasev mba ken Shion,* anuunaukase a ken agar a Yuda.+
12 Ve sende mbahemenev sha uwegh vegh,+ shi i na mbatamen icivir ga.+
13 Agumaior tôô nase, shi mbayevnomsonôngo gbeev a akagh a ikyon.
14 Mbatamen kar sha hundagar kera;+ agumaior de u kuhwan ityogholough vev.+
15 Iember kera ngi se ken ishima ga; amar a ase hingir ijungwen.+
16 Idyer osough se sha ityo gba. Kwagh tser se ve, gadia se er isholibo!
17 Ishima yase gba angev sha ci u kwagh ne,+Shi ashe a ase hingir mir mir sha ci u akaa ne,+
18 Man sha ci u uwo u Shion u u lu ice la yô;+ atsôngo nga zenden sha mi garemaa.
19 Kpa we Yehova, u tema sha ikyônough ki torough gbem sha won.
Ikyônough you ki torough ki sha ikyov ikyov.+
20 Er nan u hungur a vese gbem sha won shi u undu se shighe a kar kpishi yum nahana?+
21 Hide a vese hen a we Yehova, nahan se kpa se hide hen a we fese je.+
Gema ayange a ase a hingir hegh er sha ayange a ngise la nahan.+
22 Nahan kpa, u venda se inyigh i môm.
U za hemen u vihin ishima a vese tsung.+
Ngeren mba shin kpe
^ Shin “ve kighir kasev mba ken Shion ve yav a mi.”
