Ukwelegh 4:1-22
א [Alefa]
4 Nenge imba er zanaria u mondon, zanaria u doon+ a hingir cing sha wono!
Nenge imba er i tsende uicighanmbaawenev+ sha igyoom i hanma godobi sha wono!+
ב [Beti ]
2 Hide ônov mba Shion mba doon ishima mba i kar ve sha zanaria u i ser un la yô,I nenge ve ér mba mtem ma inyaam,Ér mba tomaveegh u ormaantyegh di tsô!
ג [Gimel ]
3 Aniwaav mba ken toho je kpa, ka ve na ônov vev atumba,Kpa wankwase u ior av yô, gema vihi tu+ er ukonkofi mba ken taaikyôngo nahan.+
ד [Daleti ]
4 Nombor u wanikyundan u man atumba var sha ikyua, sha ci u imura.
Mbayev zamber kwaghyan,*+ kpa or môm na ve kwagh ga.+
ה [He]
5 Ior mba yange ve yaan akaayan a dedoo yô, gba ijen sha ugodobi.+
Ior mba yange i va a ve, ve hua akondo a nyian bong la,+ yav sha atihi a mtuhwe.
ו [Woo]
6 Mtsaha* u wankwase u ior av hemba mtsaha u i na Sodom sha isholibo na,+Un u i tim un hen shighe môm, uwegh lu ku wasen un ga la.+
ז [Sayin]
7 Mbanasari+ nav yange ve lu wang hemba senou, ve kungu hemba atumba.
Ve hemba nyian a awen a korali; ve lu er awen a safir a lun enge-enge-enge nahan.
ח [Heti ]
8 Ve ile hemba akaausu;Ka a nenge a ve sha ugodobi kpa i fa ve ga.
Kwavyolough ve uma sha akuhe a ve;+ u hingir er kon u uman nahan.
ט [Teti ]
9 Guda mba i woo ve sha sanker, a mba ijen i woo ve,+Ve mba ve saa ishe, ve lu a kwaghyan ken sule ga, inja er i kuma ve kar due keela la.
י [Yodi ]
10 Kasev mba zungwen mhôônom jiidi ônov vev sha ave a ve.+
Ve hingir kwagh u ve yan zungwen hen shighe u wankwase u ior av a gbe la.+
כ [Kafi ]
11 Yehova tese iyugh na;A haa ishima i i vihi un i lu yeghen a yegh la.+
A tsar usu ken Shion, u hia amagh a na cii.+
ל [Lamedi ]
12 Utor mba shin tar man ior mba ve tem sha tareghnyaagh cii na jighjigh ér,Orhendankwagh man orhyom vea nyôr sha ihindagar i Yerusalem ga.+
מ [Mem]
13 Yange kwagh lu nahan sha ci u asorabo a uprofeti nav man akaabo a upristi nav,+Ve mba ve haa awambe a mbaperapera mba ve lu hen atô ve inya la.+
נ [Nun]
14 Ve zende nzughul nzughul er mbaapirashe+ nahan sha ugodobi.
Ve hôngor ayol a ve sha awambe,+ je yô or môm fatyô u benden akondo a ve ave ga.
ס [Sameki ]
15 Ve ôr kwagh a ve genger genger ve kaa ér: “Yem nen kera! Ne mba wang ga! Yem nen kera! Yem nen kera! De benden nen a vese ga.”
Gadia mba a ijiir i tsan ga; ve zende nzughul nzughul.
Ior mba ken akuraior kaa ér: “Vea fatyô u lun heen vea vese ga.*+
פ [Pe]
16 Ishigh ki Yehova sambe ve;+Una kera kenger ve, una zungwe ve mhôônom ga.
Ior vea na upristi icivir ga,+ mbatamen kpa a zungwe ve mhôônom ga.”+
ע [Ayin]
17 Se ver ashe se kenger ser i wase se, kpa i wase se ga zan zan ashe a ase je kpa vôr.+
Se ver ashe, se ver ashe a ikyurior i i fatyô u yiman se ga yô ser i wase se.+
צ [Tsade]
18 Ve zenda se ijime hanma vegher cii,+ nahan se fatyô u zenden hen ityembe yase ga.
Mkur wase zurum; ayange a ase bee sha ci u mtim wase va.
ק [Kofi ]
19 Mbazendan se lu fele fele hemba uigyuve mba purugh sha kwavaôndo.+
Ve zenda se ijime sha iwo; ve yer ken taaikyôngo ve kegh se.
ר [Reshi ]
20 Iôôn i ken ahenga a ase, un u Yehova a shigh un mkurem la,+ i kôr un shin zegeihungwa ve,+Un u se ôr kwagh na se kaa ser: “Se lu hen akuraior ken mure na” la.
ש [Shin]
21 Ember shi lu saan saan, we wankwase u Edom,+ ape u lu ken tar u Ushi la.
Shi we kpa a na u iyongo la,+ nahan u ma u hunde, u tese idyelegh wou.+
ת [Towi ]
22 We wankwase u Shion, mtsaha u i ne u sha kwaghbo wou la bee.
Una kera shi yem a we uikyangen ga.+
Kpa una na ishima sha kwaghbo wou, we wankwase u Edom.
Una bugh asorabo a ou.+
