Ukwelegh 3:1-66
-
Yeremia pase ishimaverenkeghen na, man er i lu un ken ishima la kpaa
א [Alefa]
3 M ngu or u m nenge a ican sha ci u gbough ku ishimavihin na yô.
2 A zendam kera, a erem m zende ken ime, ka ken iwanger ga.+
3 Sha kpôô yô, uwegh nagh ka ku lu num a mo kwa kimbir kimbir iyange jimin cii.+
ב [Beti ]
4 A bughum inyam man kwavyolough kera;A hembe akuhe a am.
5 A kasem a wa atô; a kasem ningir tser a megh ku bough+ man ican.
6 A kighir mo m tema hen ajiir a wan ime, er ior mba ve kpe ica i gbe nahan.
ג [Gimel ]
7 A maa kpekpe a himbir mo ker sha er me fatyô u yevese ga yô;A kangem sha mshirim ma togula ma yuhwan.+
8 Shi kwagh ka a tserem, mea vaa genger genger mea yila mer i wasem kpa, a venda* msen wam.+
9 A yisa igbenda yam sha awen a kuan;A er igbenda yam hure.+
ד [Daleti ]
10 A yer ngu keghen mo er biya* nahan, er begha u a yer nahan.+
11 A kighir mo a kar a mi sha igbenda kera, a andem avur avur;*A erem m hingir ice.+
12 A nerem* ada na, a verem m hingir un kwagh u unan ivaan tan.
ה [He]
13 A kumam avaan a* ken gbandeavaan na sha ahi pev.
14 M hingir kwagh u ior cii sen, m hingir kwagh u vea waan icam sha mi iyange jimin cii yô.
15 A ivim a akaa a yuan, shi a erem m za hemen u man kon u yuan.+
ו [Woo]
16 A hembem anyi sha agboghol;A daam m gba shin mtwe.+
17 A yangem u zuan a bem; m hungur a kwagh u dedoo.
18 Tsô m kaa mer: “Icivir yam bee, kua ishimaverenkeghen i m lu a mi sha Yehova la kpaa.”
ז [Sayin]
19 Umbur ican yam, man er m lu a ijiir i tsan ga,+ kua er m ye kon u yuan man megh ku bough yô.+
20 Ú umbur mo, shi ú va hen a mo, u va wasem kpee a bunde ga.+
21 M umbur kwagh ne ken ishima yam; ka nahan ve me tese mer m ngu a ieren i keghen kwagh ye.+
ח [Heti ]
22 Ka er Yehova a lu a dooshima kpishi ve kwagh wase a lu a bee ga ye,+Sha ci u mhôônom nam ma been mayange ga.+
23 Hanma pepe yô, ka ma hingir hegh;+ mimi wou dumbur.+
24 “Yehova ka kwar wam,”+ m kaa mer, “ka nahan ve me tese mer m ngu a ieren i keghen kwagh ye.”+
ט [Teti ]
25 Yehova ka a er a or u nan veren ashe sha a na la doo doo,+ ka a er a or u nan ze hemen u keren un la doo doo.+
26 Doo u lun ving keghen*+ myom u Yehova.+
27 Doo u or nana tôô igbur shighe u nan lu iyev la.+
י [Yodi ]
28 Nana tema tswen, nana lu ving shighe u Aôndo una penda i sha a nan la.+
29 De nana wa zwa u nan shin vuulevu;+ alaghga ishimaverenkeghen ngi her.+
30 De nana ver or u nan lu tan nan sambe la uwasegh; de i tuhwa nan je i due nan ishima.
כ [Kafi ]
31 Gadia Yehova una ta se kera gbem sha won ga.+
32 Er a ve a ijungwen nahan kpa, shi una tese mhôônom ma zungwen, sha ci u a ngee a dooshima je gande.+
33 Gadia ka awashima na u van ônov mba iorov a ican shin ijungwen ga.+
ל [Lamedi ]
34 U or njighen mba i wuhu ve ken purusu shin tar la cii shin angahar a nan,+
35 U yangen or ijirôron i mimi sha ishigh ki Uhemban Cii,+
36 Man u nyighen or ken ijir la cii—Yehova venda ambaakaa la.
מ [Mem]
37 Nahan aluer Yehova na zwa ga yô, ka an nana fatyô u ôron kwagh shi nana na kwagh shon una ere?
38 Akaa a bo man akaa a dedoo,Nga dugh ken zwa u Uhemban Cii la hen shighe môm ga.
39 A er nan man oruma nana lu gban ahon sha akaa a a dugh ken isholibo i nan laa?+
נ [Nun]
40 De se tôv nen igbenda yase, se nenge nen sha i vighe vighe,+ nahan se hide nen hen Yehova.+
41 Se kende nen asema a ase man ave a ase sha hen Aôndo u sha:+
42 “Se per atindi shi se hemba ato,+ nahan u de se a kwaghbo ga.+
ס [Sameki ]
43 U yange se u kporom ikyua a we+ sha ishimavihin;U zenda se u wua a mhôônom ma zungwen shio.+
44 U yange se u kporom ikyua a we sha ibyeenegh, sha er msen wase una fatyô u karen ga yô.+
45 U er se se hingir akembe man ihyôghonov hen ior.”
פ [Pe]
46 Mbahyomov asev cii bugh ijô ve sha a vese.+
47 Mciem man ahungwa a or gban shimi kua mtim man u vihin kwagh kera+ hingir kwar wase.+
48 Mliam ndôôr mo sha ashe er ukungwambamngerev nahan, sha ci u i vihi wankwase u ior av.+
ע [Ayin]
49 Mliam haam ashe venda u den, ma venda u tôndon,+
50 Zan zan Yehova shir ashe sha, kenger shin inya nenge.+
51 Ashe a am vam a ijungwen, sha ci u ônkasev mba gar wam cii.+
צ [Tsade]
52 Mbahyomov av zendam za kôr er annyon nahan, a ityôkyaa shio.
53 Ve bee a uma wam shin ihyungwa; ve za hemen u tan mo awen.
54 Mngerem kua karem sha ityo, nahan m kaa mer: “Kwagh wam bee ve!”
ק [Kofi ]
55 M yila iti you, we Yehova, shin ihyungwa i hemban zan la.+
56 Ungwa imo yam; de cirin togh ough sha mliam am ma m lu vaan mer i wasem, i nam mpeveryol la ga.
57 U kporom ikyua sha iyange i m yila u la. U kaa wer: “De cie ga.”
ר [Reshi ]
58 U paam iyol hen ijir, we Yehova, u paa uma wam.+
59 U nenge a kwaghbo u i erem la, we Yehova; wea lumun yô, ôr ijir yam sha mimi.+
60 U nenge a iyevoron ve cii, u nenge a akaa a ve zough zwa ér vea erem la cii.
ש [Sin] gayô [Shin]
61 U ungwa tarnahan ve, we Yehova; u ungwa akaa a ve zough zwa ér vea erem la cii,+
62 Kua akaaôron a sha ityumbujôôgh i mbahendan a mo, man kwagh u ve lu ôron sha a mo ivarvase iyange jimin la cii.
63 Nenge mbara; ka vea tema inya shin vea tile sha kpa, ve nahan mo tar ken atsam a ve!
ת [Towi ]
64 Ú tsaha ve sha aeren a ve, we Yehova.
65 Ú er vea cighir asema, a lu ifyan i u wa ve je la.
66 Ú zenda ve sha ishimavihin you, Yehova, u tim ve shin tar kera.
