Ukwelegh 2:1-22
א [Alefa]
2 Nenge imba er Yehova a cir wankwase u Shion ken ibyeenegh ki ishimavihin na la sha wono!
A ker mdoom ma Iserael sha aôndo, sen va gba shin tar.+
A umbur kpenga na u pendan angahar sha mi,+ sha iyange i ishimavihin na ga.
ב [Beti ]
2 Yehova mena ajiir a Yakob a tem la cii a mhôônom ma zungwen shio.
A hembe ajiir a lun a ugir mba taver mba wankwase u Yuda kera+ sha ishimavihin na.
A sen a tartor la shin inya, shi a hôngor u+ man mbahemenev nav.+
ג [Gimel ]
3 A gber agee a* Iserael cii kera er ishima i lu vihin un la.
Orhyom zurum yô, a tôô uwegh nagh ku iyanegh kera,+Shi a za hemen u hian ken Yakob, er usu u u hie hanma kwagh u a lu ikyua a u cii nahan.+
ד [Daleti ]
4 A nerem* ada na er orhyom nahan; uwegh nagh ku iyanegh kegh a kegh er orhendankwagh nahan;+A za hemen u wuan ior mba ve doo u kenger la cii.+
Shi a haa iyugh na er usu nahan+ hen tenti u wankwase u Shion.+
ה [He]
5 Yehova hingir er orhyom nahan;+A mena Iserael.
A mena ayou a na a taven cii; A tim ajiir a na a lun a ugir mba taver la cii.
Shi a er ijungwen man kwelegh ngee ken wankwase u Yuda.
ו [Woo]
6 A er kwagh a ityumbe na sha tswam,+ er ate u ken sule nahan.
A bee a* iniongo na kera.+
Yehova na i hungur a iniongo man Iyange i Memen ken Shion,Shi er ishima i vihi un tsung yô, kwagh gba un sha tor man pristi kpaa ga.+
ז [Sayin]
7 Yehova venda atse a na a nan nagh;A nyagh icighanjiir na.+
A na ukpekpe mba ayou a taven a na a lun a ugir mba taver la sha ikyev i orhyom.+
Ve ngor imo ken iyou i Yehova,+ er ka sha iyange i iniongo nahan.
ח [Heti ]
8 Yehova kange ishima u vihin kpekpe u wankwase u Shion.+
A naregh kor u karen kwagh.+
A hide a uwegh nagh ijime u van a mtim ga.*
Shi a na inya i i te tihi ken kpekpe gumeen la, man kpekpe ve zungwe.
Ve cii ve kera taver ga.
ט [Teti ]
9 Ihinda na nyôr shin inya.+
A vihi uishindan nav, a hembe ve.
Tor na man mbahemenev nav mba ken akuraior.+
Tindi* ngu ga; uprofeti nav je kpa nenge a mpase u sha mnenge u Yehova ga.+
י [Yodi ]
10 Mbatamen mba wankwase u Shion tema hen inya ving.+
Ve haa inya sha mtom vem shi ve hua ikyondo i zungwen.*+
Anuunaukase a Yerusalem wa mtom vem inya.
כ [Kafi ]
11 Ashe a am ndôôr mliam vôr.+
Ikyav yav mbi ken atô mbi* zômon.
I haa mtemam am hen inya, sha ci u wankwase u* ior av gba,+Sha ci u mbayev man anikyundanev mba ve lu humen hen ityembe i gar yô.+
ל [Lamedi ]
12 Er ve lu humen er or u i vihi nan iyol hen ityembe i gar la,Shi er uma a lu duen ken a ve kure kure sha ave a ungô vev la,Mba pinen ungô vev ér, “Ka han samuyia man wain ve lu?”+
מ [Mem]
13 Ka nyi me er shiada a mini?
We wankwase u Yerusalem, ka nyi me kar u sha mini?
We iniuunkwase i Shion, ka nyi me tôô me kar u sha mi, sha u me sur u ishima?
Gadia ivav you kehe er zegemnger nahan.+ Ka an nana fatyô u sôron we?+
נ [Nun]
14 Mbampase mba sha mnenge mba uprofeti ou nenge sha ci wou la, lu mba aiev man mba gbilinigh,+Shi ve pase kwaghbo wou ken igbar sha er a kar a ikyangenev you kera ga,+Kpa ve za hemen u nengen mbampase mba sha mnenge mba aiev sha ci wou shi ôron akaa a tsumen a we.+
ס [Sameki ]
15 Mba ve lu karen hen kpegbenda cii ve kure u ave sha ilyahan.+
Kpiligh ve iyol, ve gbidye iwer*+ shi ve jingir ityough sha kwagh u wankwase u Yerusalem, ve kaa ér:
“Ka gar u yange ve ôr kwagh na ve kaa ér, ‘A hemba mdoom shi ka iember i tar cii’ ne gaa?”+
פ [Pe]
16 Mbahyomov ou cii bugh zwa sha a we.
Ve gbidye iwer,* ve wua anyi, ve kaa ér: “Se mena un ve.+
Ka iyange i se lu keghen je ne!+ I va ve, se nenge a i!”+
ע [Ayin]
17 Yehova er kwagh u a we ishima la;+ a er kwagh u a kaa yô,+Ka kwagh u yange ôr ica i gbe yô.+
A hembe a haa inya a mhôônom ma zungwen shio.+
A de orhyom ember sha a we; a seer agee a* mbahendan a we.
צ [Tsade]
18 We kpekpe u wankwase u Shion, ishima ve vaa a Yehova.
De mliam ma ndôôr ma sen, er mngerem ma kuan iuu nahan, atetan man tugh.
De deen i pever we iyol ga, de ne ishe you* mmem ga.
ק [Kofi ]
19 Mough sha! Vaa tugh genger genger, hen shighe u kura ka u hii la.
Haa ishima you inya sha ishigh ki Yehova er mngerem nahan.
Kende ave a ou sha hen a na sha ci u uma u mbayev ou,Mba ve lu humen sha hanma igyoom i godobi cii* sha ci u ijen la.+
ר [Reshi ]
20 Yehova, nenge shi kenger sha un u u er kwagh a na caveraa yum la.
Gba u kasev vea za hemen u yan ônov vev,* ônov vev mba ve gande kera laa?+
Shin gba u a wua upristi man uprofeti ken icighanjiir u Yehova?+
ש [Shin]
21 Wanye u kiriki man orbeenyol yav kpenegh sha ugodobi.+
Anuunaukase a am* man agumaior a am kpe sha sanker.+
U wua kwagh sha iyange i ishimavihin you; u sôngo kwagh a mhôônom ma zungwen shio.+
ת [Towi ]
22 U yila akaa a cieryol, hanma vegher cii va, er ka sha iyange i iniongo nahan.+
Sha iyange i iyugh i Yehova la, or môm yevese shin war ga;+Orhyom tim ior mba m mar* shi m yese ve la kera.+
Ngeren mba shin kpe
^ Zwa Heberu, “hanma korough ku.”
^ Zwa Heberu, “A henda.”
^ Shin “a tim.”
^ Zwa Heberu, “u menan ga.”
^ Shin “Kwaghwan.”
^ Shin “ibyashôhô.”
^ Zwa Heberu, “Myam am ma.”
^ Mba ôron kwagh ne sha injakwagh ken icam, alaghga ka u tesen kunya shin mhôônom ma zungwen.
^ Zwa Heberu, “ve tôngo hondo.”
^ Zwa Heberu, “ve tôngo hondo.”
^ Zwa Heberu, “a kende a korough ku.”
^ Zwa Heberu, “wankwase u ishe you.”
^ Zwa Heberu, “hen ityough ki ugodobi cii.”
^ Shin “kwagh u a dugh ken sagh ve.”
^ Shin “Agumaukase a am.”
^ Shin “m mar ve lu gbang gbang.”
