U Sha Uhar hen Mbakorinte 3:1-18
3 Nahan saa shi se pase ayol a ase hen a venee? Se kpa kwagh gba se u nan ne uwashika mba i wuese se ker, er mbagenev nahanaa? Shin sar se u ma ne nger se uwashika mbara nahanaa?
2 Ne ayol a en ne mba washika wase,+ u i nger ken asema a ase, shi uumace cii ve fe un shi ve ôron yô.
3 Gadia ikyav tese wang ér ne mba washika u Kristu u se mbatomov mba Aôndo se nger yô,+ se nger ka sha inki ga, kpa ka sha jijingi u Aôndo u uma, shi ka sha ikpande i awen ga,+ kpa ka sha ikpande i iyol i inyam man awambe, ken asema.+
4 Aôndo na se mba a vangertiôr ne ken Kristu.
5 U ngu wer ka sha tahav asev se kom u eren tom ne ga, kpa ka Aôndo a ne ve se kom u eren u ye.+
6 Ka un jighilii a ne ve se kom u lun mbatomov mba ikyuryan i he,+ i i har sha Tindi* ga,+ i lu sha jijingi la ye; gadia Tindi ne ibo i kuugh,+ kpa jijingi yô ne uma.+
7 Nahan aluer Tindi u ka a na ibo i kuugh, u yange i nger sha asangaabaacaa sha ikpande i awen la,+ va a iengem je ônov mba Iserael kanshio u kenger sha ishigh ki Mose sha ci u iengem i ishigh nagh,+ man lu iengem i a va kar a mi kera yô,
8 tom u jijingi a eren la je yô,+ ua hemba lun a iengem cii gaa?+
9 Gadia aluer Tindi u ka a na ibo la+ yange lu a iengem yô,+ kwagh u ka a na ve or hingir orperapera la hemba ngun a iengem cii!+
10 Jighilii yô, kwagh u ngise lu a iengem la je kpa i kar a iengem na la kera sha ci u iengem igen i i hembe un yô.+
11 Gadia aluer kwagh u yange lu u a va kar a mi kera la je kpa i na un iengem yô,+ kwagh u lun gbem ne je yô hemba ngun a iengem cii!+
12 Er se lu a ishimaverenkeghen ne yô,+ ka se lam a ishima i gbar gbar,
13 shi se mba eren kwagh u Mose er la ga; yange a cir ikyondo sha ishi+ sha er ônov mba Iserael vea kenger mkur u kwagh u a va kar a mi kera la ga yô.
14 Kpa yange i cighir ve asema.+ Gadia zan zan sha ayange ne kpa, ka a ôron ikyuryan i tse la yô, ikyondo shon la i lu her,+ sha ci u ka sha Kristu tseegh i karen a i kera ye.+
15 Jighilii yô, zan zan nyian kpa, ka a ôron Tindi u Mose yô,+ ikyondo i cir asema a ve.+
16 Kpa or ka nana gema hen Yehova* yô, i kar a ikyondo la kera.+
17 Yehova* ka Jijingi,+ man ape jijingi u Yehova* a lu yô, ikyangenev mbi her ga.+
18 Nahan er i bugh se ikyondo sha ishi kera, se lu mondon iengem i Yehova* er ka jingi nahan yô, se cii mba geman se sha ibyeen na la, iengem yase ngi seer a seer, vough er Yehova* u a lu Jijingi la* a soo la.+
Ngeren mba shin kpe
^ Ka Tindi u Mose je la.
^ Nenge Ngeren u Seer u A5 la.
^ Nenge Ngeren u Seer u A5 la.
^ Nenge Ngeren u Seer u A5 la.
^ Nenge Ngeren u Seer u A5 la.
^ Nenge Ngeren u Seer u A5 la.
^ Shin a fatyô u kaan ér, “vough er jijingi u Yehova.”
