Jesús nerqa: “Mana pagaspalla japʼerqankichej, amallataj pagachikuychejchu”, nispa (Mt 10:8). Chaytataj kasukunchej Bibliata chayri waj publicacionesta mana vendespa (2Co 2:17). Publicacionesninchejpeqa Diospa Palabranmanta cheqa yachachiykuna kashan. Chantapis chaykunata ruwakunanpaj, tukuy congregacionesmantaj apachikunanpaj ashkha qolqeta gastakun. Chayrayku necesitasqallanchejta apakuna.

Publicacionesninchejtaqa mana pimanpis qonallachu, publicacionesniyoj mesaswan, carritoswan ima predicashaspapis (Mt 7:6). Tukuy runasman jaywanamantaqa, parlarinaraj leeyta munasqantachus manachus yachanapaj. Kay paginapi rikhurej tapuykunapi tʼukurisunman, jinamanta reparasun runasman publicacionesninchejta saqenatachus manachus. Mana allinta chayta reparaspaqa uj tratadollata jaywasunman. Jinapis, uj revistata chayri waj publicacionta leeyta munajtenqa saqellasunman (Pr 3:27, 28).