PARTE 4
Jaʼ ta skoj ti litale
(Kʼu sjalil chjalij: 54:56).
Li Jesuse la xpoxta li buchʼutik ipike, la slokʼes pukujetik, la spas ta jchankʼop li krixchanoetike xchiʼuk la stʼuj li 12 yajtakboltake. Li video liʼe jaʼ chalbe skʼoplal li loʼiletik liʼe:
Te chchanubtasvan ta snail tsobobbail ta Kapernaum li Jesuse xchiʼuk la slokʼes jun ibal sba pukuj (Markos 1:21-29; Lukas 4:31-37).
Li Jesuse la xpoxtabe smeʼniʼ li Pedroe (Lukas 4:38, 39; Mateo 8:14, 15; Markos 1:30, 31).
La xpoxta epal krixchanoetik li Jesuse (Lukas 4:40, 41; Mateo 8:16, 17; Markos 1:32-34).
Li Jesuse stuk bu tspas orasion (Markos 1:35-38; Lukas 4:42, 43).
Li Jesuse chchol mantal, chchanubtasvan xchiʼuk chpoxtavan (Mateo 4:23-25; Markos 1:39).
Li Jesuse la xpoxta jun vinik ti ip ta leprae (Markos 1:40-45; Mateo 8:1-4; Lukas 5:12-15).
Li Jesuse tspas orasion ti bu stsʼijlane (Lukas 5:16).
Li Jesuse chpoxta jun vinik ti alubem sbekʼtal te ta Kapernaume xchiʼuk chakʼ ta perton (Markos 2:1-12; Mateo 9:1-8; Lukas 5:17-26).
Li Jesuse laj yalbe Mateo ti akʼo stsʼakliate (Markos 2:13, 14; Mateo 9:9; Lukas 5:27-28).
Li Jesuse jmoj chveʼ xchiʼuk jtsobpatanetik li ta sna Mateoe (Markos 2:15-17; Mateo 9:10-13; Lukas 5:29-32).
Oy kʼusi tsjakʼik ta sventa li ayunoe (Mateo 9:14-17; Lukas 5:33-39; Markos 2:18-22).
Li Jesuse te la xchol mantal li ta snail tsobobbailetik ta Judeae (Lukas 4:44).
Kʼalal jaʼo savadoe, li Jesuse la xpoxta jun vinik li ta tanke ti Betsata sbie (Juan 5:1-9).
Li judaetike oy kʼusitik la sjakʼbeik li vinik ti laj yichʼ poxtaele (Juan 5:10-13).
Li Jesuse te la sta ta templo li vinik ti la xpoxtae (Juan 5:14, 15).
Li Jesuse laj yal ti akʼbil tsots yabtel yuʼun li Stote (Juan 5:16-24).
Li buchʼutik lajemik ta mantale chchaʼkuxiik mi chaʼibeik yechʼomal ye li Jesuse (Juan 5:25-27).
Chchaʼkuxiik tal li animaetike (Juan 5:28-30).
Vinaj skʼoplal Jesus li ta abtelaletik la spase, albat skʼoplal xtok yuʼun li Juan J˗akʼ˗ichʼvoʼe, li Totile xchiʼuk li Tsʼibetike (Juan 5:31-47).
«Jaʼ Yajval savado» li Jesuse (Markos 2:23-28; Mateo 12:1-8; Lukas 6:1-5).
Kʼalal jaʼo savadoe, li Jesuse la xpoxta jun vinik ti xmochʼoj sba skʼobe (Lukas 6:6-11; Mateo 12:9-14; Markos 3:1-6).
Te tijilik batel epal krixchanoetik ta tiʼ nab xchiʼuk ep buchʼutik la xpoxta li Jesuse ti jaʼ li buchʼu kʼanbil yuʼun Diose (Markos 3:7-12; Mateo 12:15-21).
La stʼuj li 12 ta voʼ yajtakboltake (Lukas 6:12-16; Markos 3:13-19 sbavokʼal).
