Te Nuti Meitaki Tei Tau Kia Iesu
I roto i teia au vitio ka kite maata atu koe no runga ia Iesu, te Tamaiti a te Atua e te Akaora o te tangata ravarai.
Tuanga 1: Te Mārama Mou o te Ao
Akapeea te tangata e ora mai ei mei te ara ta Adamu i rave? Ko te Mesia anake to tatou akaora.
Tuanga 2: “Ko Taku Tamaiti Teia”
Akapapa a Ioane Papetito i te ara no te Mesia. Akara i te au tupuanga umere ta Iesu i rave te akamataanga aia i tana angaanga i te enua nei!
Tuanga 3: “Ko Au Ïa”
Akakite a Iesu e koia te Mesia. Kua akakite aia kia Nikodemo, te vaine Samaria, e te oire tangata o Nazareta, inara ko te aronga ua tei tau te ngakau tei ariki iaia. I muri ake te rave anga aia i tetai temeio umere, kua pati aia i tetai au aronga tautai kia aru iaia.
Tuanga 4: Ko te Tumu Teia i Aere Mai ei Au
Akaari a Iesu i tona mana na te akaora anga i te tangata e te tuaru anga i te au demoni. Inara kua patoi tetai pae iaia e kua inangaro i te tamate atu iaia. No tona tu tangi e te kite karape i te apii, kua rauka ia Iesu i te akariro i te tangata ei pipi e te iki i te au apotetoro e 12.
Tuanga 5: “Kua Umere te Katoatoa i Tana Apiianga”
I muri ake te akaoraia anga te au maki o tetai urupu maata, kua apii atu a Iesu ia ratou na roto i tetai ravenga tei tuke ki ta ratou i matau. Kua umere tikai ratou i tona mana ririnui, te au akatutuanga e te au apii kia taangaanga ratou i te au rā.
Tuanga 6: Ko Koe ta Matou e Tiaki Nei?
Kua akaari a Iesu i tona mana na te akatuakaouanga mai i te aronga tei mate. Na roto i te au semeio umere ta Iesu i rave e tana au apiianga taka meitaki, kua kiteaia i te tu tikai o te tangata tei akarongo kiaia. Kua akamārama a Iesu ki te tangata no runga i te Kavamani o te Atua na roto i tana au akatutuanga.
