Neke ki te tumu manako rikiriki

Au Uipaanga a te Putuputuanga a te Au Kite o Iehova

Apii no runga i ta matou au uipaanga. Kimi i tetai uipaanga vaitata kia koe.

Tuatua Akakite no te Maki Coronavirus (COVID-19): I tetai au ngai, kare tatou e uipa i ko i to tatou Are Uipaanga Patireia e kare katoa e uipa ki roto i te au pupu mamaata. E ringi me kore e aravei atu i te Au Kite o Iehova i toou ngai no tetai au tuatua akakite. No te ako anga Pipiria puapinga “Koai Taau ka Irinaki ei Arataki?,” me kare koe e tae mai, ka tuku matou i tetai vitio o te ako Pipiria te ka rauka ia koe i te kopi me kore e akara i runga i te initaneti.

Kimi i Tetai Ngai Vaitata Kia Koe

Eaa te Raveia Ana i ko i ta Matou au Uipaanga?

E rave ana te Au Kite o Iehova i ta ratou uipaanga no te akamorianga e rua taime i te epetoma. (Ebera 10:24, 25) I ko i teia au uipaanga, ka ārikiia mai te katoatoa e ka apiiia ratou i ta te Pipiria e akakite maira, e akapeea me akono i te reira au apiianga i roto i to tatou oraanga.

Maataanga i te taime i ko i ta matou au uipaanga, ka ārikiia te katoatoa kia pau i te au uianga, mei tei raveia ana i te apii. Ka akamata e ka akaoti te au uipaanga ma te imene e te pure.

Kare koe e umuumuia kia riro mai ei Kite no Iehova kia aere mai ki ta matou au uipaanga. Te pati atu nei matou i te katoatoa kia tae mai. Kare e tutaki e kare roa matou e koʼi moni.