Numeri 2:1-34
-
Ba hloma ditente ka dihlopha tša meloko e meraro (1-34)
-
Ba moloko wa Juda ba hloma ditente ka bohlabela (3-9)
-
Ba moloko wa Rubeni ba hloma ditente ka borwa (10-16)
-
Ditente tša Balefi di be gare ga ditente tša meloko e mengwe (17)
-
Ba moloko wa Efuraime ba hloma ditente ka bodikela (18-24)
-
Ba moloko wa Dani ba hloma ditente ka leboa (25-31)
-
Banna ka moka bao ba bego ba ngwadišitšwe (32-34)
-
2 Jehofa a bolela le Moshe le Arone a re:
2 “Baisiraele ba hlome ditente moo dihlopha tša bona tša meloko e meraro+ di abetšwego gona, monna yo mongwe le yo mongwe a hlome tente kgauswi le leswao la ba moloko wa gabo. Ba hlome ditente tša bona go dikologa taberenakele, gomme di lebane le yona.
3 “Bao ba hlomago ditente tša bona ka bohlabela, e be sehlopha sa ba meloko e meraro seo se eteletšwego pele ke Juda. Kgošana ya barwa ba Juda ke Nahashone+ morwa wa Aminadaba.
4 Palo ya bao ba ilego ba ngwadišwa sehlopheng sa gagwe ke ba 74 600.+
5 Ba moloko wa Isakara ba hlome ditente kgauswi le ba moloko wa Juda. Kgošana ya barwa ba Isakara ke Nethanele+ morwa wa Tsuari.
6 Palo ya bao ba ilego ba ngwadišwa sehlopheng sa gagwe ke ba 54 400.+
7 Ba moloko wa Sebulone ba hlome ditente ka lehlakoreng le lengwe la ba moloko wa Juda. Kgošana ya barwa ba Sebulone ke Eliaba+ morwa wa Helone.
8 Palo ya bao ba ilego ba ngwadišwa sehlopheng sa gagwe ke ba 57 400.+
9 “Palo ya banna ka moka bao ba ilego ba ngwadišwa sehlopheng seo se eteletšwego pele ke Juda ke ba 186 400. Sehlopha sa Juda e be sona sa mathomo se hlomollago ditente.+
10 “Sehlopha sa meloko e meraro seo se eteletšwego pele ke Rubeni,+ se hlome ditente ka borwa. Kgošana ya barwa ba Rubeni ke Elitsuri+ morwa wa Shedeuri.
11 Palo ya bao ba ilego ba ngwadišwa sehlopheng sa gagwe ke ba 46 500.+
12 Ba moloko wa Simeone ba hlome ditente kgauswi le ba moloko wa Rubeni. Kgošana ya barwa ba Simeone ke Shelumiele+ morwa wa Tsurishadai.
13 Palo ya bao ba ilego ba ngwadišwa sehlopheng sa gagwe ke ba 59 300.+
14 Ba moloko wa Gada ba hlome ditente ka lehlakoreng le lengwe la ba moloko wa Rubeni. Kgošana ya barwa ba Gada ke Eliasafa+ morwa wa Reguele.
15 Palo ya bao ba ilego ba ngwadišwa sehlopheng sa gagwe ke ba 45 650.+
16 “Banna ka moka bao ba ilego ba ngwadišwa sehlopheng seo se eteletšwego pele ke Rubeni ke ba 151 450. Sehlopha sa Rubeni e be sona sa bobedi se hlomollago ditente.+
17 “Ge taberenakele e tlošwa+ e išwa lefelong le lengwe, ditente tša Balefi di swanetše go ba gare ga ditente tša ba meloko e mengwe.
“Ge meloko yeo e tloga, e hlomolle ditente ka go latelana ga yona.+ Sehlopha se sengwe le se sengwe se be moo se abetšwego gona, go ya ka sehlopha sa sona sa meloko e meraro.
18 “Sehlopha sa meloko e meraro seo se eteletšwego pele ke Efuraime, se hlome ditente ka bodikela. Kgošana ya barwa ba Efuraime ke Elishama+ morwa wa Amihudi.
19 Palo ya bao ba ilego ba ngwadišwa sehlopheng sa gagwe ke ba 40 500.+
20 Ba moloko wa Manase+ ba hlome ditente kgauswi le ba moloko wa Efuraime. Kgošana ya barwa ba Manase ke Gamaliele+ morwa wa Pedatsuri.
21 Palo ya bao ba ilego ba ngwadišwa sehlopheng sa gagwe ke ba 32 200.+
22 Ba moloko wa Benjamini ba hlome ditente ka lehlakoreng le lengwe la ba moloko wa Efuraime. Kgošana ya barwa ba Benjamini ke Abidani+ morwa wa Gideoni.
23 Palo ya bao ba ilego ba ngwadišwa sehlopheng sa gagwe ke ba 35 400.+
24 “Banna ka moka bao ba ilego ba ngwadišwa sehlopheng seo se eteletšwego pele ke Efuraime ke ba 108 100. Sehlopha sa Efuraime e be sona sa boraro se hlomollago ditente.+
25 “Sehlopha sa meloko e meraro seo se eteletšwego pele ke Dani, se hlome ditente ka leboa. Kgošana ya barwa ba Dani ke Ahiesere+ morwa wa Amishadai.
26 Palo ya bao ba ilego ba ngwadišwa sehlopheng sa gagwe ke ba 62 700.+
27 Ba moloko wa Ashere ba hlome ditente kgauswi le ba moloko wa Dani. Kgošana ya barwa ba Ashere ke Pagiele+ morwa wa Okorane.
28 Palo ya bao ba ilego ba ngwadišwa sehlopheng sa gagwe ke ba 41 500.+
29 Ba moloko wa Nafutali ba hlome ditente ka lehlakoreng le lengwe la ba moloko wa Dani. Kgošana ya barwa ba Nafutali ke Ahira+ morwa wa Enani.
30 Palo ya bao ba ilego ba ngwadišwa sehlopheng sa gagwe ke ba 53 400.+
31 “Banna ka moka bao ba ilego ba ngwadišwa sehlopheng seo se eteletšwego pele ke Dani ke ba 157 600. Mo go dihlopha tša meloko e meraro tša Baisiraele, sehlopha sa Dani e be sona sa mafelelo se hlomollago ditente.”+
32 Bao e be e le Baisiraele bao ba ngwadišitšwego go ya ka meloko ya bona. Banna ka moka bao ba bego ba ngwadišitšwe dihlopheng tša bona go ya ntweng, e be e le ba 603 550.+
33 Eupša Balefi ga se ba ngwadišwa+ le Baisiraele ba bangwe,+ go ya le ka mokgwa woo Jehofa a bego a laetše Moshe.
34 Baisiraele ba ile ba dira dilo ka moka tšeo Jehofa a bego a di laetše Moshe. Wo ke wona mokgwa wo ba o dirišitšego ge ba be ba hloma ditente tša bona tša meloko e meraro+ le go di hlomolla.+ Yo mongwe le yo mongwe a dira seo go ya ka lapa la gabo le go ya ka moloko wa gabo.
