Re go laletša gore o tle kopanong ya matšatši a mararo ya Dihlatse tša Jehofa.

DINTLHAKGOLO TŠA KOPANO

  • Dipolelo le Dipoledišano: Re tlo rutwa kamoo re ka swaraganago le mathata a lehono le a nakong e tlago ka sebete.

  • Dibidio le Diswantšho tša go Ruta: Etla o tlo bona kamoo batho ba bangwe ba ka re rutago go ba le sebete, le kamoo diphoofolo tše hlano le tšona di ka re rutago go ba le sebete.

  • Polelo ya Phatlalatša ya Beibele: Etla o tlo kwa gore ke ka baka la eng Jesu a ile a botša tate yo a bego a hlokofaletšwe ke ngwana gore: “O se ke wa boifa.” (Mareka 5:36) Polelo ye yeo e theilwego Beibeleng e tla newa ka Sontaga mesong, gomme sehlogo sa yona se re: “Tshepišo ya Modimo ya Gore o tlo Tsoša Bahu e re Nea Sebete—Bjang?”

  • Dimubi: Ka Sontaga mosegare, re tlo ipshina ka mubi wo o bontšhago gore ke ka baka la eng Jona a ile a tšhaba ge Modimo a be a mo roma.

GO KA TLA BOMANG?

Batho ka moka. Go tsenwa mahala e bile ga go tšewe dikoleke.

Bona lenaneo le le feletšego gomme o bogele bidio ya mabapi le dikopano tša rena.