Efalomo lyoshitopolwa oshi-4
Oshitopolwa shika otashi tu lombwele kombinga yaJosef, Job, Moses nosho wo Aaisraeli. Ayehe oya li yi idhidhimike lela, sho taya makelwa kuSatana. Yamwe yomuyo oya li yu ungaungwa nayo shaa li pauyuuki, ya tulwa mondholongo, ya ningwa aapika omanga yamwe ya dhipagwa. Moonkalo adhihe ndhoka, Jehova okwe ya gamene. Ngele ngoye omuvali, kwathela omumwoye u uve ko nkene aapiya yaJehova mboka, ya li yi idhidhimikile omashongo nopwaahe na okweetha po eitaalo lyawo.
Jehova okwa li a longitha Omageelo Omulongo, u ulike kutya ye omunene noonkondo e vule iikalunga yaEgipiti. Tsa omuthindo nkene Jehova a li a gamene aantu ye pethimbo lyonale nankene ta tsikile oku shi ninga kunena
MOSHITOPOLWA SHIKA
OSHIILONGOMWA 14
Josef okwa li a vulika kuKalunga sho e li omupika
Josef okwa longo shoka shu uka, ihe nonando ongawo, okwa li a mono iihuna noonkondo. Omolwashike mbela?
OSHIILONGOMWA 15
Jehova ka li a dhimbwa Josef
Nonando Josef okwa li kokule noyaandjawo, Kalunga okwa li e shi ulike kutya oku li pamwe naye.
OSHIILONGOMWA 17
Moses okwa hogolola okulongela Jehova
Pethimbo Moses a li okahanona, yina okwe mu hupitha, sho a kongo po ondunge yoku mu holeka.
OSHIILONGOMWA 19
Omageelo gatatu gotango
Farao okwa tula aantu ye muupyakadhi, molwaashono ka li a ningi shoka Jehova e mu lombwele.
OSHIILONGOMWA 20
Omageelo gahamano ngoka ga ka landula ko
Omageelo ngoka oga li ga yooloka ko ngiini komageelo gatatu gotango?
OSHIILONGOMWA 21
Egeelo etimulongo
Egeelo ndika olya li lya kwata miiti lela, nolya ningitha nokuli Farao ngoka a li e na uuntsa, e ethe Aaisraeli ya ye.
OSHIILONGOMWA 22
Oshikumithalonga pEfuta Etiligane
Farao okwa li a piti momageelo omulongo, ihe mbela okwa hupu ngaa poshikumithalonga shika Kalunga a ningi?