Numri 23:1-30
23 Imbagħad Balgħam qal lil Balak: “Ibnili f’dan il-post sebaʼ artali+ u lestili f’dan il-post sebaʼ barrin u sebaʼ mtaten.”
2 Balak minnufih għamel sewwasew bħalma qallu Balgħam. Imbagħad Balak u Balgħam offrew barri u muntun fuq kull artal.+
3 U Balgħam issokta jgħid lil Balak: “Oqgħod ħdejn l-offerta tal-ħruq tiegħek,+ u ħallini mmur. Forsi Ġeħova jiġi u jiltaqaʼ miegħi.+ F’dan il-każ, jurini x’jurini, ngħidhulek.” Għalhekk, mar fuq għolja għerja.
4 Meta Alla ġie għandu, Balgħam+ imbagħad qallu: “Qegħedt is-sebaʼ artali f’ringieli, u offrejt barri u muntun fuq kull artal.”+
5 Għaldaqstant, Ġeħova qiegħed kelma f’fomm Balgħam+ u qallu: “Mur lura għand Balak, u hekk għidlu.”+
6 Għalhekk, mar lura għandu, u, ara, hu u l-prinċpijiet kollha taʼ Mowab kienu qegħdin ħdejn l-offerta tal-ħruq li kien għamel.
7 Imbagħad lissen il-kliem t’għerf tiegħu+ u qal:“Minn Aram+ ipprova jġibni Balak, is-sultan taʼ Mowab,Mill-muntanji tal-lvant:‘Ejja, isħitli lil Ġakobb.Iva, ejja, ikkundanna lil Israel.’+
8 Kif nistaʼ nisħet lil dawk li Alla ma seħitx?+U kif nistaʼ nikkundanna lil dawk li Ġeħova ma kkundannax?+
9 Minn fuq il-quċċata tal-blat narahom,U minn fuq l-għoljiet nilmaħhom.Hemmhekk bħala poplu jibqgħu jgħixu fit-tined maqtugħin minn kulħadd,+U mal-ġnus ma jgħoddux lilhom infushom.+
10 Min għadd lil Ġakobb li hu numeruż daqs it-trab,+U min għadd il-parti minn erbgħa taʼ Israel?Ħa tmut ruħi l-mewta tar-retti,+U wara ħa jkun tmiemi bħal tagħhom.”+
11 U Balak qal lil Balgħam: “X’għamiltli? Jien ġibtek biex tisħet lill-għedewwa tiegħi, u, ara, int berikthom fuq li berikthom.”+
12 Wieġbu u qallu: “Mhux kulma Ġeħova jqegħedli f’fommi rrid noqgħod attent li ngħid?”+
13 Imbagħad Balak qallu: “Jekk jogħġbok, ejja miegħi f’post ieħor minfejn tistaʼ tarahom. Tarf biss minnhom tara,+ u ma tarahomx kollha. U isħithomli minn hemmhekk.”+
14 Għalhekk, ħadu fil-kampanja taʼ Sofim, fuq il-quċċata tal-Pisga,+ u bena sebaʼ artali u offra barri u muntun fuq kull artal.+
15 Imbagħad Balgħam qal lil Balak: “Oqgħod hawnhekk ħdejn l-offerta tal-ħruq tiegħek, u, inkwantu għalija, ħa nara x’jgħidli hemmhekk.”
16 U Ġeħova ġie għand Balgħam u qegħedlu kelma f’fommu u qallu:+ “Erġaʼ lura għand Balak,+ u hekk għidlu.”
17 Għalhekk, wasal ħdejh, u, ara, kien qiegħed ħdejn l-offerta tal-ħruq li kien għamel, u miegħu kien hemm il-prinċpijiet taʼ Mowab. U Balak staqsieh: “X’qallek Ġeħova?”
18 Imbagħad lissen il-kliem t’għerf tiegħu u qal:+“Qum, Balak, u ismaʼ.Agħtini widen, O bin Siffur.+
19 Alla m’huwiex xi bniedem biex jgħid il-gideb,+Lanqas xi bin il-bniedem biex jerġaʼ jibdielu.+Jgħid hu xi ħaġa u ma jagħmilhiex,U jgħid kelma u ma jwettaqhiex?+
20 Ara! Inġibt biex inbierek,U Hu bierek,+ u jien mhux se rreġġagħha lura.+
21 Ma lemaħ ebda magħmul+ kontra Ġakobb,U ebda inkwiet ma ra kontra Israel.Ġeħova Alla tiegħu hu miegħu,+U f’nofsu jinstemaʼ l-għajat taʼ tifħir għas-sultan.
22 Alla ħarġu mill-Eġittu.+Il-pass mgħaġġel tiegħu hu bħal dak taʼ barri salvaġġ.+
23 Għax m’hemm ebda magħmul kontra Ġakobb,+Lanqas teħbir kontra Israel.+F’dan il-waqt jistaʼ jingħad dwar Ġakobb u Israel,‘Ara x’għamel Alla!’+
24 Ara! Iqum poplu bħal iljun,U bħall-iljun jieqaf fuq saqajh.+Ma jimteddx qabel ma jiekol il-priża,U jixrob id-demm tal-maqtulin.”+
25 U Balak qal lil Balgħam: “Jekk assolutament ma tistax tisħtu, almenu żgur li m’għandekx tbierku.”
26 Imbagħad Balgħam wieġeb u qal lil Balak: “Ma kellimtekx u għedtlek, ‘Kulma jgħidli Ġeħova nagħmel’?”+
27 Imbagħad Balak qal lil Balgħam: “Ejja, jekk jogħġbok. Ħa nieħdok jerġaʼ post ieħor. Forsi jkun sewwa f’għajnejn l-Alla l-veru, u b’hekk int tisħithuli minn hemmhekk.”+
28 U Balak ħa lil Balgħam fuq il-quċċata taʼ Pegħor, li tħares lejn il-Ġesimon.*+
29 Imbagħad Balgħam+ qal lil Balak: “Ibnili f’dan il-post sebaʼ artali u lestili f’dan il-post sebaʼ barrin u sebaʼ mtaten.”+
30 Għalhekk, Balak għamel sewwasew bħalma qal Balgħam, u offra barri u muntun fuq kull artal.+
Noti taʼ taħt
^ Jew, “id-deżert.”
