Mishe 2:1-13
2 “Maler lor bann ki pe maniganse pou fer seki move,Ki lor zot lili, pe fer plan pou fer bann move kitsoz!
Kan koumans fer kler gramatin, zot fer seki zot inn plann,Parski li dan pouvwar zot lame pou fer sa.
2 Kan zot anvi gagn enn karo, zot pran li;Ek kan zot anvi gagn enn lakaz, zot pran li;Zot fer frod pou pran lakaz enn zom,Pou pran so leritaz.
3 Akoz sa, ala seki Zeova dir:
‘Gete, mo pe prepar kont sa pep-la* enn maler kot li pa pou kapav sape.*
Zot pou nepli mars avek arogans, parski sa lepok-la se enn lepok maler.
4 Sa zour-la, bann dimounn pou resit enn proverb lor zot,Ek avek enn gran tristes bann-la pou plore for-for lor zot.
Bann-la pou dir: “Inn pran tou seki nou ti ena!
Li’nn pran par ki ti pou nou pep ek li’nn donn sa lezot—gete kouma li’nn tir sa ar nou!
Li donn sa kikenn ki infidel la nou bann karo.”
5 Alor, dan lasanble Zeova, pa pou ena personn ki pou redi lakord ki servi pou mezire,Pou partaz pei-la.
6 Zot dir: “Aret prese!Fode pa zot pres sa bann kitsoz-la;Nou pa pou gagn dezoner!”
7 A bann desandan Zakob, eski bann dimounn pe dir:
“Eski Zeova inn perdi pasians?
Eski vremem li pe fer sa bann kitsoz-la?”
Eski mo bann parol pa fer dibien bann ki mars dan enn fason drwat?
8 Me pa tro lontan, mo pep inn leve kouma enn lennmi.
Devan tou dimounn, zot aras zoli dekorasion ki lor* linzBann ki pe pase avek enn gran konfians, parey kouma bann ki pe sorti depi lager.
9 Zot tir bann fam mo pep depi bann lakaz kot zot pe viv bien;Zot tir ar bann zanfan sa bann fam-la bann bon kitsoz ki mo ti donn zot kouma enn benediksion.
10 Leve ek ale, parski isi se pa enn plas pou repoze.
Akoz linpirte, ena destriksion, enn destriksion ki fer plore.
11 Si enn zom galoup deryer divan ek deryer seki fos ek koz manti kan li dir:
“Mo pou pres avek twa konsernan divin ek labwason ki ena lalkol,”
Lerla li ti pou vinn enn predikater ki sa pep-la aksepte!
12 Vremem mo pou rasanble zot tou, A Zakob;Pena dout, mo pou rasanble ansam bann ki’nn reste parmi Izrael.
Parey kouma met bann mouton dan enn lanklo,Parey kouma enn troupo dan so patiraz, mo pou fer zot viv ansam dan linite;Landrwa-la pou ranpli ar bann dimounn ki fer tapaz.’
13 Sa kikenn ki pou ouver enn semin la pou mars devan zot;Zot pou libere, zot pou pas par pasaz-la, ek zot pou sorti atraver sa.
Zot lerwa pou pas par pasaz-la devan zot,Ek Zeova pou diriz zot.”
