Wi. Enn kikenn kapav kit nou lorganizasion dan de fason:

•   Par enn demann ofisiel. Enn dimounn kapav dir ouswa kapav ekrir enn let pou dir ki li nepli anvi res enn Temwin Zeova.

•   Par bann aksion. Enn dimounn kapav fer bann kitsoz ki montre ki li nepli anvi form parti dan lafami nou bann frer. (1 Pier 5:9) Par exanp, li kapav rant dan enn lot relizion ek montre ki li anvi res dan sa relizion-la.​—1 Zan 2:19.

Si enn dimounn nepli prese ouswa nepli asiste bann renion, eski zot konsider li kouma enn kikenn ki nepli enn Temwin Zeova?

 Non, nou pa konsider sa dimounn-la koumsa. Kit lorganizasion bann Temwin Zeova volonterman li diferan avek ena enn lafwa feb. Souvan, bann ki ralanti ouswa aret zot laktivite pa finn abandonn zot lafwa me zot zis dekouraze. Olie rezet sa bann dimounn-la, nou esey konsol zot ek soutenir zot. (1 Tesalonisien 5:14; Zid 22) Si sa dimounn-la anvi enn led, bann ansien dan lasanble pran responsabilite pou donn li enn led spiritiel.​—Galat 6:1; 1 Pier 5:1-3.

 Me bann ansien pa gagn drwa fors enn kikenn pou res enn Temwin Zeova. Sak dimounn lib pou swazir so prop relizion. (Zozwe 24:15) Nou krwar ki bann ki ador Bondie bizin fer li volonterman, avek tou zot leker.​—Psom 110:3; Matie 22:37.