Kaka inyalo yudo ber mathoth sama ipuonjori Muma kitiyo gi brosuani
Bed gi ng’at ma puonji: Kwa ng’at ma ne omiyi brosuani mondo opuonji Muma, kata ikwa mondo opuonji Muma e websait marwa mar jw.org/luo.
KARE MOKWONGO
Som paragraf duto moriwo nyaka penjo mondik mong’ong’ore (A) kendo isom ndiko duto (B) ma lero weche madongo. Par bende ni nitie ndiko moko mondik ni “som.”
DIERE
Weche manie bwo (C) kama ondik ni Tim Nonro lero gik ma idwa non e sulano. Wiye matindo (D) wacho puonj madongo ma idwa wuoye. Som ndiko, dwok penjo, kendo ne vidio man kanyogo (E).
Non pichni kod weche ma lero pichnigo (F), kendo ipar kaka inyalo dwoko penjo manie bwo wich ma wacho ni Paro ma Jomoko Nigo (G).
KARE MOGIK
Kama ondik ni Puonj Maduong’ kod Ang’o ma Ipuonjori? (H) lero e yo machuok gik ma ipuonjori e sulano. Ndik tarik ma itieke sulano. Gima Inyalo Timo (I) nyisi kaka inyalo tiyo gi gik mipuonjori. Med Timo Nonro (J) oting’o weche momedore minyalo somo kata vidio minyalo neno.
Kaka inyalo yudo ndiko e Muma
Moro ka moro kuom buge manie Muma nigi nying (A), sula (B), kod kwan matindo (C). Kuom ranyisi, Johana 17:3 en bug Johana, sula 17, kwan matindo 3.
Samoro Inyalo Hero Magi Bende
PENJO MA JI JOPENJO
Ere Kaka Joneno mag Jehova Puonjoga Ji Muma?
E puonjruok Muma ma Joneno mag Jehova tayoga, inyalo tiyo gi Muma moro amora mihero. Bed thuolo gwelo joodu duto kata osiepeni e puonjruok.
