Umbadilo 24:1-25
24 Balame pa kumona’mba bibasangaja* Yehova kwesela Isalela, kaendelepo monka kukakimba mitāmu,+ ino watadidile mpala yandi mu ntanda mutuputupu.
2 Balame pa kutulula meso andi wamona Isalela utūdile nkambi mwendele bisaka byandi,+ kupwa mushipiditu wa Leza wamutūkila.+
3 Penepa wanena mu nkindi+ namino amba:
“Binenwa bya Balame mwanā Beole,Ne binenwa bya muntu obapūtwile meso,
4 Binenwa bya yewa wivwana kinenwa kya Leza,Wamwene kimonwa kya Mwinē Bukomo Bonso,Wafukamine panshi ino meso andi atala:+
5 Mapema obe i mayampe’po kashā, a Yakoba,Bipema byobe, a Isalela!+
6 I byende kulampe pamo bwa misanza,*+Pamo bwa madimi ku munonga,Pamo bwa aloe ikunine Yehova,Pamo bwa mityi ya sedele ku mema.
7 Mema apunguluka’nka kupunguluka mu mambeketyi andi abidi a biseba,Kadi lukunwa* lwandi i lukunwe ku mema mangi.+
Mulopwe+ wandi nandi ukekala mukatampe kupita Akaka,+Kadi bulopwe bwandi bukazunzulwa.+
8 Leza ye umutambija mu Edipito;Udi pamo bwa masengo a ñombe wa ntanda kobadi.
Ukakubanga mizo, boba bamumwesha malwa,+Ukalalanga mikupa yabo, kadi ukebavingakanya na miketo yandi.
9 Wafukata, walāla pamo bwa ntambo,Kadi pamo bwa ntambo, i ani usomonwa kumulangula?
Boba bakwesela i beselwe,Kadi boba bakufinga i bafingwe.”+
10 Penepo Balake walobela Balame. Balake wakupila bikufi byandi bya kibengo kanena Balame amba: “Kyonakwityile i kufinga balwana nami,+ pano kulongelepo kintu ino ubebesela ke misunsa isatu.
11 Nanshi enda kwenu enka pano. Nadi nsaka kukulēmeka bininge,+ ino tala! Yehova wakubudija bulēme.”
12 Balame walondolola Balake amba: “Le nkyalombwelepo mikendi yowatumine amba,
13 ‘Nansha shi Balake ampe njibo yandi miyule ndalama ne olo, nkibwanyapo kulonga na kiswa-mutyima kyami* kintu nansha kimo kitabuka musoñanya wa Yehova, kikale kiyampe nansha kibi. Nkesamba enka byobya bikanombola Yehova’?+
14 Pano keñenda kudi bantu bami. Iya nkulombole bano bantu byobakalonga bobe bantu mu mafuku a kumeso.*
15 Penepo wanena mu nkindi+ namino amba:
“Binenwa bya Balame mwanā Beole,Ne binenwa bya muntu obapūtwile meso,+
16 Binenwa bya yewa wivwana kinenwa kya Leza,Muntu udi na buyuki bwa Mwine wa Peulu Mwine,Wamwene kimonwa kya Mwinē Bukomo BonsoPawadi ufukamine panshi ino meso andi atala:
17 Nkamumonanga, ino ke panopo kala;Nkamubandilanga, ino ke panopanopo.
Luñenyenye+ lukatamba kudi Yakoba,Kadi nkonto+ ukatamba mu Isalela.+
Kadi bine ukalalakanya mpala ya Moabu*+Ne kabamba ka bana bonso ba kavutakanya.
18 Kadi Edoma ukekala mukwatwe,+En-en, Seila+ mukwatwe na balwana nandi,+Aye papo Isalela ulombola bukankamane bwandi.
19 Kadi muntu utamba kudi Yakoba ukanekenya,+Ukonakanya yewa ense ushele mūmi mu kibundi.”
20 Pawamwene Amaleke, wanenene monka mu nkindi yandi amba:
“Amaleke wadi muzo mubajinji,+Ino ku mfulo ukonekanga.”+
21 Pawamwene bene Kena,+ wanenene monka mu nkindi yandi amba:
“Kīkalo kyobe i kininge, kadi kīkalo kyobe i kitūlwe pa kidibwe.
22 Ino muntu umo ukasōka Kaina.
Le kubashala bitatyi binga bene Ashidia bakusele bu musungi?”
23 Wanenene monka mu nkindi yandi amba:
“Yō malwa! I ani le ukashala mūmi shi Leza walonga kino?
24 Masua a lui akatamba ku mbadi ya Kitimi,+Kadi akamwesha Ashidia malwa,+Kadi akamwesha Ebelu malwa.
Ino ne aye mwine ku mfulo ukoneka.
25 Penepo Balame+ wataluka kaenda kukajokela kwandi. Balake nandi waenda dyandi.
Kunshi kwa Dyani
^ Kishima pa kishima i, “i biyampe mu meso a.”
^ Nansha’mba “binekaneka.”
^ Nansha’mba “lutundu.”
^ Kishima pa kishima i, “kya ku mutyima wami.”
^ Nansha’mba “ku mfulo ya mafuku.”
^ Nansha’mba “Matempelo a mutwe wa Moabu.”
