Sefaniya 3:1-20
3 Nkenda kwa mbanz’a ukolami, yafunzuka, mbangiki!+
2 Ke wilanga muntu ko;+ ke tambulwilanga longi ko.+
Ke bundanga vuvu kwa Yave ko;+ ngatu finama kwa Nzambi andi.+
3 Akuluntu andi bena se nkosi zankwiti.+
Afundisi andi bena se mevua ma fuku;Ke besisanga kana visi kimosi ko mu bukuta o mbazi.
4 E ngunza zandi akwa lutiangu ye luvunu.+
E nganga zandi zisafulanga eki kiavauka;+Bekululanga o nsiku.+
5 O Yave una muna kati kwa mbanza nkwa unsongi;+ ke vanganga edi diambi ko.
Ozayisanga e mfundisa zandi konso mene,+Nze kiá kwa kuma, ke funganga ko.
Kansi o mvangi a mambi ke monanga nsoni ko.+
6 “Mfwasidi e zula; o mayingidilu mau ma konko masidi e nkatu.
Mfwasidi e nzila zau, ke muviokelanga diaka muntu ko.
E mbanza zau zifukisu, zisidi e nkatu, ke muna diaka muntu ko.+
7 Mpovese mbanza vo: ‘Kieleka, wonga okumbona ye otambulwila e longi,’*+Kimana e fulu kiandi kia zingila kialembi fwaswa+—Tumba ikuntumba mu kuma kia mambu mama mawonso.
Kansi, bawokese nkutu e tima muna mavangu mau mambi.+
8 ‘Numvingila,’*+ u kavovele o Yave,‘Yamuna lumbu itelama mu bonga e sanzu,*Kadi mbakidi e nzengo za bundakesa e zula yo kutakesa yitinu,Muna kubapongolwela e nganzi ye nsita zawonso za makasi mame;+Kadi o ntoto wawonso uziniswa muna tiya twa vema kwame.+
9 Muna kolo kiakina, isoba e nding’a nkangu yakituka se nding’avelela,Kimana awonso bavovela e nkumbu a Yave,Bansadila kumosi.’*+
10 O wan’a nkangu ame una umwanganene, awana bekundodokelanga,Bekuntwasila lukau tuka kuna zunga kia nkoko mia Etiopia.+
11 Muna lumbu kiakina kumona nsoni koMu kuma kia mavangu maku mawonso ma ukolami umpangidi,+Kadi ikatula akwa lulendo momo ngeye;Kukala diaka nkwa lulendo ko vana mongo ame avauka.+
12 Isisa nkangu alembama yo sakalala momo ngeye,+Betinina muna nkumbu a Yave.
13 E nsadisw’a Isaele+ ke bevanga mambu mambi ko;+Ke bevova luvunu ko, ngatu sadila lubini lwau mu vunginika wantu;Bedia yo lavalala, ke vekala muntu ko okubamwesa o wonga.”+
14 E mwan’ankento a Zione, yangalala!
E Isaele, kaza ye kiese!+
E mwan’ankento a Yerusaleme, yangalala yo mona kiese yo ntim’aku wawonso!+
15 Yave okatwidi e tumbu kiaku.+
Ovengomwene mbeni zaku.+
O Yave wa Ntinu a Isaele una ova kati kwaku.+
Kumona diaka wonga wa konso vonza ko.+
16 Muna lumbu kiakina, Yerusaleme ovoveswa vo:
“Kumoni wonga ko, e Zione.+
Kuyambula ko vo moko maku mayoya.
17 O Yave wa Nzambi aku una ova kati kwaku.+
Wau vo nkwa ngolo, ovuluza.
Okaza ye kiese kiayingi mu kuma kiaku.+
Ovuvama* muna zola kwandi.
Oyangalala mu kuma kiaku yo kaza ye kiese.
18 Ikutakesa awana bakendalele wau balembi kala muna nkinzi miaku;+E zitu dia luvezo lwandi diabavambula yo ngeye.+
19 Muna kolo kiakina, itelamena awonso bekumwesanga e mpasi;+Ivuluza o ntedingi,*+Ikutakesa awana bamwanganene.+
Ikubakembesa yo kubatundidika*Muna nsi yawonso ina yabamwesa e nsoni.
20 Muna kolo kiakina, ikunutwasa,E kolo kina ikunukutakesa.
Kadi ikunutundidika* yo kunukembesa+ vana vena e nkangu miawonso ova nza,Vava itwasa ova meso meno o nkangu eno una muna ubundu,” u kavovele o Yave.+
Mvovo vana yand'a lukaya
^ Yovo “tumbu.”
^ Yovo “Numvingila ye luzindalalu lwawonso.”
^ Nanga, “itelama nze mbangi.”
^ Yovo “Bansambila e ntwadi.”
^ Yovo “Odingalala; Oyangalala.”
^ Yovo “nkwa kinsoto.”
^ Mvovo wa sina: “kubavana e nkumbu.”
^ Mvovo wa sina: “ikunuvana e nkumbu.”