Sefaniya 2:1-15
2 Nukutakana, elo, nukutakana,+Oyeno zula kikondelo e nsoni.+
2 Ekolo nzengo ke zalunganene ko,Ekolo e lumbu ke kiaviokele ko nga vevele ineto kwa tembwa,Ekolo e nsita za makasi ma Yave ke zanulwakidi ko,+Ekolo e lumbu kia makasi ma Yave ke kianulwakidi ko,
3 Nuvava Yave+ yeno alembami awonso a nza,Yeno nulemvokelanga e nkanikinu miandi miansongi.*
Nuvanganga owu wansongi yo songa lulembamu.
Nanga nulenda swekwa muna lumbu kia makasi ma Yave.+
4 Kadi e mbanz’a Ngaza ibembolwa;Asekelone isala e nkatu.+
Asedode ikulaneswa muna kati kwa mwini,Ekerone ivuzwa.+
5 “Nkenda kwa awana bezingilanga muna mbel’a kalunga, e zula kia Akerete!+
E diambu dia Yave dinutelamene.
E Kenani, nsi ya Afelesetia, fwasa ikufwasa,Omu ngeye ke mu sala muntu ko.
6 E mbel’a kalunga ikituka se madilu ma bulu,Sima ya avungudi ye mpaka za matadi za mameme.
7 Ukituka se zunga kia nsadisw’a nzo a Yuda;+I mûna bedila.
Muna nzo za Asekelone i beleka muna fuku.
Kadi o Yave wa Nzambi au ovutula sungididi kiandi kwa yau,*Ovutulwisa awana banatwa muna kinkole.”+
8 “Ngwidi o luvezo lwa Moabe+ ye fingu ya Aneyamone,+Ana bavezele nkangu ame yo kubavumisa kuna lulendo lwawonso mu kutumuna e zunga kiau.+
9 Wau vo i Nzambi amoyo, u kavovele o Yave a vu, wa Nzambi a Isaele,Moabe ikituka nga Sodoma,+O Aneyamone nga Ngomora,+Fulu kia titi yansende, sima kia mungwa, isala e nkatu yakwele mvu.+
E nsadisw’a nkangu ame ikubasanza,E nsadisw’a zula kiame ivua e nsi zau.
10 Ekiaki i tumbu bevewa mu kuma kia lulendo lwau,+Kadi bavezele nkangu a Yave a vu yo kuyitundidika.
11 Yave okubafungila makasi mansisi;Kadi ofûkisa* e nzambi zawonso zina ova ntoto,E zula yawonso izingilanga muna sanga ikumfukamena,*+Konso muntu vana fulu kiandi.
12 Oyeno esi Etiopia mpe vondwa nuvondwa muna nsosolo ame.+
13 Olambula o koko kwandi kuna node yo fwasa Asuri,Osisa Ninive e nkatu,+ oyumisa yo nga makanga.
14 Makambi ye bulu ya mfuta* ya mpila zawonso ibubama mo.
E lembe ye ngulu-ngumba* beleka vana ntu a malunzi mandi muna fuku.
E ndinga iyimbila vana zianela.
Lufwasu lukala muna mielo;Kadi osenzeka e yaka ya mabaya ma nsedele.
15 Eyayi i mbanz’a umvuania ina yakedi muna luvuvamu,Eyi yavovelenge muna ntim’andi vo, ‘Mono nsundidi o mfunu, ke vena diaka wankaka ko.’
Owau okitukidi se lekwa kiangemi,Se fulu kia bubamena kia bulu ya mfuta!
Awana beviokela vo besivika yo zunga o ntu.”+
Mvovo vana yand'a lukaya
^ Mvovo wa sina: “e mfundis’andi a nsongi.”
^ Yovo “okubalunga-lunga.”
^ Yovo “oladisa.”
^ Yovo “ikunsambila.”
^ Mvovo wa sina: “bulu yawonso yansisi ya zula.”
^ Yovo “nsekele.”
