ယွၤ​အကလုၢ်​ကထါ ပာ်ဖျါ​ထီၣ်​ဝဲ​လၢ ပှၤ​မ့ၢ်​ဆီဟံၣ်​ဆီဃီန့ၣ်​ အ​က​ဘၣ်​မ့ၢ်​ပိာ်မုၣ်​တဂၤ ဒီး​ပိာ်ခွါ​တဂၤ ဖျီ​သး.

ဝၤ​လၢ​အအိၣ်​ဒီး​တၢ်အဲၣ်​တဂၤန့ၣ်​ အ​က​ဘၣ်​ပာ်ဖျါထီၣ်​ တၢ်သးကညီၤ​လၢ အမါ​အဖီခိၣ်​ ဒီး​အ​က​ဘၣ်​နၢ်ပၢၢ်စၢၤ​အီၤ.

မါ​တဂၤန့ၣ်​ က​ဘၣ်​ဆီၣ်ထွဲ​မၤစၢၤ အဝၤ​လၢ တၢ်​ဆီၣ်​လီၤ​သး​အပူၤ.

ဖိ​သ့ၣ်​တဖၣ်​ က​ဘၣ်​ဒိကနၣ်​မိပါ အကလုၢ်.

ယွၤ​အကလုၢ်​ကထါ တဲ​ဝဲ​လၢ ဝၤ​တဂၤန့ၣ်​က​ဘၣ်​အဲၣ်​အမါ​ဒ် အ​အဲၣ်​​လီၤ​အ​နီၢ်ကစၢ်​သး​အသိး ဒီး​မါ​တဂၤန့ၣ်​ က​ဘၣ်​ပာ်ကဲ​အဝၤ ဒိၣ်မး.

ပှၤ​မ့ၢ်​မံဃုာ်​ဒီး ပှၤလၢ​အတမ့ၢ်​အသးသမူ​တံၤသကိး​ဘၣ်န့ၣ်​ အ​ကမၣ်ဝဲ. ပှၤ​မ့ၢ်​ဟံမါဟံဝၤ အါန့ၢ်​ဒံး​တဂၤ လၢ​တၢ်ဆၢကတီၢ် တ​ကတီၢ်ဃီ​အပူၤန့ၣ်​ ကမၣ်​ဝဲ​စ့ၢ်ကီး.

ဒ်သိး​ပ​ဟံၣ်ဖိ​ဃီဖိ ကအိၣ်​ဒီး​တၢ်သးခု​အဂီၢ် ပ​က​ဘၣ်​မၤ​ဒ်လဲၣ်န့ၣ်​ ယဟိဝၤ​ယွၤ အကလုၢ်​ကထါ သိၣ်လိ​ပှၤ.